2019-yilning 29-oktabrida Xorijiy tillar fakulteti 11-1,2, 5,6 chi-19 guruhlarida Beshinchi tashabbus: xotin-qizlarni ish bilan taʼminlash masalalarini ijrosini taʼminlash maqsadida tadbirkor ayollar mazmun-mohiyatiga bagʼishlangan davra suhbati boʼlib oʼtdi. Ushbu davra suhbatida Buxoro viloyat Tadbirkor ayol uyushmasi raisi o‘rinbosari Sodiqova Mamlakat, Ingliz adabiyoti kafedrasi oʼqituvchilari M.B.Аxmedova, D.R.Rajabova, 60 nafar talabalar ishtirok etishdi.Mamlakatimiz aholisining 30 foizi 14 dan 30 yoshgacha boʼlgan yoshlardir. Ularning taʼlim olishi, kasb-hunar egallashi uchun zamonaviy sharoit va imkoniyatlar yaratilgan. Shu bilan birga, yoshlarning boʼsh vaqtini mazmunli oʼtkazishni tashkil etish dolzarb masala hisoblanadi. Yoshlar qanchalik maʼnaviy barkamol boʼlsa, turli yot illatlarga qarshi immuniteti ham shuncha kuchli boʼladi. Maʼlumki, davlatimiz rahbari ijtimoiy, maʼnaviy-maʼrifiy sohalardagi ishlarni yangi tizim asosida yoʼlga qoʼyish boʼyicha 5 ta muhim tashabbusni ilgari surgan edi. Beshinchi tashabbus boʼyicha hududlarda tikuv-trikotaj mahsulotlari ishlab chiqarishni tashkil etish va xotin-qizlar bandligini taʼminlash chora-tadbirlari dasturi loyihasi tayyorlangan. 2019−2020 yillarda har bir tumanda yengil konstruktsiyali tikuv-trikotaj korxonalarini qurish va ayollarni band etish koʼzda tutilmoqda. M. Sodiqova aynan shu borada oʼz fikrlari bilan oʼrtoqlashdi.Uchrashuv davomida talabalar tadbirkor sir-sinoatlari haqida o‘rganishdi, qizlarning kichik tadbirkorlik ishlarini boshlashda o‘zlariga kerakli maslahatlarni olishdi va kelajakda Tadbirkor ayol uyushmasidan ko‘mak olishlari haqida so‘rashdi. Bunday uchrashuvlar yoshlarning hayotda o‘z o‘rnilarini topishlariga va kichik va oilaviy tadbirkorlik faoliyati bilan shug‘ullanishlarida ko‘mak beradi.