Kuni kecha BuxDU Tarix va madaniy meros fakulteti Buxoro tarixi ta`lim yo`nalishi 1-bosqich talabalari ishtirokida "Tarix fanida: innovatsiyalar, texnologiyalar, modellar va metodlar" fanidan ochiq dars tashkil etildi. "Axborot texnologiyalar" kafedrasi a`zosi, dosent G.K. Zaripova tomonidan tashkil etilgan ochiq darsda talabalar fanning yutuqlari, uning tarixi va fan oldida turgan vazifalarni o`zlarining chiqishlarida aytib o`tdilar. Talabalar tomonidan tayyorlangan kartateka, flayer va interaktiv o`yinlar ularning bilim darajasining oshishiga va yana bir marotaba charxlanishiga xizmat qildi. "Axborot texnalogiyalar" kafedrasi tomonidan ochiq dars a`lo darajada baholandi. Buxoro tarixi ta`lim yo`nalishi talabalari o`z o`rnida dosent Zaripova Gulbahor Komilovnaga o`z minnatdorchiliklarini bildirdilar. Bu kabi ta`limdagi yangicha yondashuvlar ta`lim sifatining oshishi va talabalarning o`zlashtirish darajasining oshishiga xizmat qilajak. BuxDU matbuot xizmati xodimi: Javohir Saidov
