2019-yil 24-оktabr kuni Buxoro davlat universiteti Agronomiya va Biotexnologiya fakulteti Tuproqshunoslik kafedrasi tomonidan Huquqbuzarlik va jinoyatchilikni oldini olishga qaratilgan “Huquqiy me’yorlar va ularga rioya qilish" mavzusida davra suhbati o’tkazildi.Tadbirda Agronomiya va biotexnologiya fakulteti Yoshlar bilan ishlash bo’yicha dekan muovini I.R. Barakayev, Tuproqshunoslik kafedrasi mudiri F.X. Jumayev, dosentlar Sh.Sh. Nafetdinov, S.S. Xayriyev, o’qituvchilar H.H. Salimova, Z.H. Bafayeva, M.M. Sattorova, S.M. Nazarova va 1-3-4 kurs Tuproqshunoslik ta’lim yo’nalishi, 3 kurs QXMS ta’lim yo’nalishi talabalari ishtirok etishdi. Tadbirda Buxoro tuman prokurori muovini Qurbonov Behruz Boboxo’jayevich so’zga chiqib, firibgarlik, tovlamachilik kabi illatlarni oldini olish talabalarni turar joyi, xonadon va ijarada doimo nazorat qilib borilishiga fakultetning barcha professor-o’qituvchilarini faollikka va hushyorlikka tortamiz. Hozirgi jadal suratlarda rivojlanayotgan internet tarmog’idan to’g’ri foydalanish talabalarni bo’sh vaqtini mazmunli o’tkazish maqsadida turli fan to’garaklari dolzarb mavzudagi tadbirlarni tashkil etishimiz lozim.Shuningdek, Buxoro tuman Ichki Ishlar 4-son bo’linmasi boshlig’i Qoryog’diyev G’ulomjon Qalandarovich so’zga chiqib, O’zbekistonda yoshlarning huquqiy madaniyatini yuksaltirish, demokratik davlat va fuqarolik jamiyatini rivojlantirish jarayonida ularning faolligini oshirish davlat tomonidan qo‘llab quvvatlanmoqda. Mustaqil fikrlaydigan, qat’iy hayotiy pozitsiyaga ega bo‘lgan yoshlarni tarbiyalash, ularda tizimli tahlil qilish, mantiqiy fikrlash va mohirona munozara olib borish qobiliyatlarini rivojlantirish hozirgi kunning dolzarb vazifalaridir. Shu maqsadda maktab davridan boshlab konsitutsiyaga oid qonunlarni mukammal bilish yoshlarning eng muhim vazifasi sanaladi. Dars mashg’ulotlariga kechikmaslik, ko’cha-kuyda yurishda harakat xavfsizligi qoidalariga rioya qilish, o’ziga va boshqa tartibsizliklarga loqayd bo’lmaslikni ta’kidlab, doimo IIB xodimlari bilan hamkorlikda uzluksiz uchrashuvlar tashkil etib borishlaringizni so’rayman deb,o’z fikr –mulohazalarini bildirdi.
