Joriy yilning 2-noyabr Boshlangʼich taʼlim nazariyasi kafedrasi mudiri v.b., PhD, dotsent Mohichehra Yoqubovna Roʼzievaning Maktabgacha va boshlangʼich taʼlim fakulteti, BT va STI yoʼnalishi,14-3,4- BTU-17 guruh talabalariga “Ona tili” fanidan “Gapning uyushiq va ajratilgan boʼlaklari” mavzusidagi 2 soatlik ochiq maʼruza darsi boʼlib oʼtdi.Darsda yangi interaktiv usullardan oʼrinli va samarali foydalanildi. Darsning koʼrgazmalarning rang-barang turlaridan foydalangan holda nazariy va metodik jihatdan tashkil qilinishi maqsadga muvofiq, ayniqsa, darsni mustahkamlash uchun qoʼllanilgan usul oʼziga xosligi bilan eʼtiborlidir. Shuningdek, internetdan bevosita foydalanilgan holda mavzuga doir onlayn dars qoʼyib koʼrsatilgani, elektron manzillar va kerakli adabiyotlar bor saytlarning internetdan ochib koʼrsatilgani darsning yutuqlari boʼldi. Аyniqsa, talabalarni baholashda ikkala guruhning ragʼbat, jarima, mukofot kabi baholovchi kartochkalar olishi yaxshi samara berdi. U talabalarning faolligini oshirdi, darsga koʼproq qiziqtira oldi. Oʼqituvchining adabiyot ilmini, sheʼriyatni zoʼr bilishi har bir misollarni sheʼriy aytib, tahlillarda bevosita badiiy adabiyot namunalarini yoddan bayon qilganida ham koʼrindi. Talabalarni kitobxonlikka daʼvat qilingani, davlatimizning ijtimoiy-siyosiy jarayonlariga eʼtibor qaratgani oʼqituvchining mahorati desak mubolagʼa boʼlmaydi.
