2019-yilning 18-oktabrida BuxDU Tabiiy fanlar fakulteti "Ekologiya va geografiya" kafedrasi professor-o'qituvchilari kafedra kuni munosabati bilan talabalar turar joyida yoshlarni jismoniy chiniqtirish, ularni sport sohasida qobiliyatini namoyon qilishlari uchun shashka o'yini, yoshlarning ma'naviyatini yuksaltirish, ular o'rtasida kitobxonlikni keng targ'ib qilish maqsadida "Kitob - bilim manbai" mavzusida kichik tanlov o'tkazildi.Tanlovda birinchi bosqich talabasi Ochilova N. faxrli birinchi o'rinni egallab g'olib bo'ldi va kafedra mudiri tomonidan sovg'a bilan taqdirlandi. Talabalarning bo'sh vaqtlarini unumli o'tkazish uchun TTJ oshxonasida talaba qizlar bilan ovqatlanish ratsioniga to'g'ri amal qilishni o'rgatish maqsadida pishiriqlar pishirish o'rgatildi. Tadbirda kafedra o'qituvchilari va talabalari faol ishtirok etishdi.
