2019-yilning 15-oktabr kuni Tarix va madaniy meros fakultetida Milliy gʼoya, maʼnaviyat asoslari va huquq taʼlimi yoʼnalishi 2 kurs talabalari bilan birgalikda “Maʼrifiy islom aqidaparastlikni qoralaydi, Nuroniylar yoshlar nigohida” mavzusida ma’naviy-ma’rifiy tadbir o’tkazildi.Ushbu tadbirda Tarix va madaniy meros fakulteti yoshlar bilan ishlash boʼyicha dekan muovini А.А. Boltaev, Xoʼja Ismat jomeʼ masjidi imom xatibi Gadoev Salohiddin, Milliy gʼoya, maʼnaviyat asoslari va huquq taʼlimi kafedrasi mudiri F.D. Muzaffarov, mazkur kafedra dotsenti S.S. Raupov , Milliy gʼoya, maʼnaviyat asoslari va huquq taʼlim 2-kurs talabalari va guruh murabbiylari – N.O. Joʼraeva, S.S. Samadova, D.Q. Sayfullaevalar qatnashdilar. Tadbir Tarix va madaniy meros fakulteti yoshlar bilan ishlash boʼyicha dekan muovini А.А. Boltayevning kirish soʼzi bilan boshlandi. Shundan soʼng jamiyatda dunyodagi terroristik harakatlarning salbiy jihatlari va jamiyat hayotidagi yetkazayotgan zarari toʼgʼrisida Xoʼja Ismat jomeʼ masjidi imom xatibi Salohiddin Gadoevning maʼruzasi tinglandi. Yoshlarni vatanparvarlik va milliy qadriyatlarimizga hurmat ruhida tarbiyalash, turli illat va tahdidlardan himoya qilishga qaratilgan tadbirda ushbu yoʼnalishdagi targʼibot ishlari samaradorligini yanada oshirish, yoshlar diniy ekstremizm gʼoyalari taʼsiriga tushib qolishining oldini olish, maʼnaviyatimizga zid boʼlgan axborot xurujlaridan asrash masalalari yuzasidan fikr almashildi. Ekstremizm va terrorizmning ogʼir oqibatlari, tinchlik va barqarorlikka tahdid solishi va ularga qarshi kurashish asoslari mavzularida maʼruzalar tinglandi.
