Buxoro davlat universiteti Boshlang'ich ta'lim metodikasi kafedrasining professor-o'qituvchilari dotsentlar T.R. Choriyev, M.M. Tilavova, katta o'qituvchilar M.M. Qosimova, M.H. Hakimova va o'qituvchilar G.E. Saidova, R. Qo'ldoshev, Kenjayevalar Qorovulbozor tuman 1-umumta'lim maktabiga tashrif buyurishib, "Zamonaviy ta'limda kompetentsiyaviy yondashuv" mavzusida maktab bilan hamkorlikdagi seminar-trening o'tkazishdi. Seminarda Qorovulbozor XTB mudiri K. Hamroyev, 1-umumta'lim maktab direktori M.B. Oripova rahbarligida boshlang'ich sinf o'qituvchilari tomonidan tashkil etilgan ochiq darslar kuzatildi va OTM professor-o'qituvchilari tomonidan tavsiyalar berildi. Zamonaviy ta'limda kompetentsiyaviy yondashuv mavzusida ma'ruzalar o'qib eshittirildi. Bu kabi hamkorlik ishlarini yanada rivojlantirish kelishib olindi.
