Buxoro davlat universiteti filologiya fakulteti filologiya va tillarni o‘qitish (o‘zbek tili) ta’lim yo‘nalishi tahsil oluvchilari bilan talabalar turar joyida yoshlar o‘rtasida kitobxonlikni targ‘ib qilish maqsadida davra suhbati tashkil etildi. Davra suhbatida fakultetning 1-4-bosqich talabalariga tavsiya etilgan kitob – Alibek Rustamovning “So‘z xususida so‘z” kitobi yuzasidan subbatlashildi, bahslashildi va fikr-mulohazalar bildirildi.Davra suhbati uchun asarning g‘oyasi, hozirgi kundagi ahamiyatidan kelib chiqib hazrat Alisher Navoiyning “Tilga ixtiyorsiz–elga e’tiborsiz” hikmati shior sifatida tanlandi. Davra suhbati tashkilotchilari – o‘zbek tilshunosligi kafedrasi dotsentlari Dilorom Yo‘ldosheva hamda Bayramali Qilichevlar mazkur kitobning yaratilishi va uning keng kitobxonlar tomonidan samimiyat bilan kutib olinganligi, kitobda o‘zbek tilining boshqa til qoliplariga tushmaydigan, o‘ziga xos rivojlanish yo‘llari juda chiroyli yoritib berilganligi xususida gapirdilar.
