Yoki BuxDU dagi ishchi guruh faoliyatidan lavhalarTo‘g‘ri ertalab 9:00 dan kechki soat 18:00 gacha ishlovchilarga ish vaqti tugagandir, lekin bizda emas – deydi ishchi guruh a’zosi Toshkent davlat iqtisodiyot unversitetining Yoshlar masalalari bo‘yicha ma’naviy-ma’rifiy ishlar bo‘limi boshlig‘i A.Amonov.- Prezidentimiz tomonidan yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta tashabbus yuzasidan BuxDU talabalari bilan qanday tadbirlar amalga oshirilayotganligiga e’tibor qaratdik.Mana kech bo‘lsada talabalar turar joyida har bir fakultetdan biriktirilgan guruh murabbiylari bilan yotoqxonada yaratilgan shart-sharoitlar, to‘garaklar faoliyati, o‘tkazilayotgan turli-tuman tadbirlar bilan tanishdik.Talabalarning bo‘sh vaqtini samarali va mazmunli o‘tkazish uchun musiqa, rassomlik, adabiyot, teatr va sa’nat to‘garaklari faoliyatini yanada jonlantirish zarur. Tikish-bichish to‘garaklari talaba qizlarni hunar o‘rganishlari, oilaga tayyorlashga, kelgusi hayot yo‘llarida uchraydigan qiyinchiliklarni engib o‘tishida ast qotadi. Sportga e’tibor sog‘lom va barkamol avlodni tarbiyalashdir.Ayni kunda kitobxon talabalarni ko‘payishi, bu borada yangi-yangi loyihalar asosida ko‘rik-tanlovlar tashkil etish yaxshi samara beradi.Ishchi guruh a’zolari talabalar bilan dildan suhbat qurishdi. Ularning istaklari, muammolari va takliflarini eshitishdi. Ko‘plab savollarga javob ham topishdi.Uchrashuv so‘nggida talabalar o‘zlari tayyorlagan badiiy dasturni namoyish etdilar. Namunaviy kafedra-Qarang , namunaviy kafedraning jihozlanishi , dizayni, moddiy texnik bazasi har qanday kishiga ko‘tarinki kayfiyat baxsh etadi. Ayniqsa, bu yerda ma’naviy-ma’rifiy ishlar, o‘quv-uslubiyva ilmiy tadqiqot burchaklarining tashkil etilgani professor-o‘qituvchilar ishini ancha yengillashtirdi. Biz barcha fakultetlarda ana shuday namunaviy kafedralar tashkil etishga hissa qo‘shmoqchimiz. Ha, so‘rab o‘rgangan olim, orlanib so‘ramagan o‘ziga zolim-deydilar. BuxDU professor-o‘qituvchilari mehmonlar tajribasidan samarali foydalanishga harakat qilishmoqda. Kengashga tayyorgarlik jarayoniSoat kechki 20:00 ga bong urgan bo‘lsada Tabiiy fanlar fakultetida ishchi guruhi hamkorlikdagi qaynoq ish jarayoni davom etmoqda. Biz ayni paytda BuxDU dagi hamkasblarimizga ekologiya, tuproqshunoslik va geografiya, biologiya, kimyo kafedralari hamda dekanat hujjatlarini mavjud nizomlar asosida tartibga keltirish borasida hamda o‘quv-uslubiy ishlardagi kamchiliklarni bartaraf etish bo‘yicha o‘z maslahat va tavsiyalarimizni berayapmiz-deydi ishchi guruhi a’zosi, Toshkent davlat iqtisodiyot unversiteti dotsenti Shavkat Ilxomov. Tabiiy fanlar fakulteti dekani Hafiz Ortiqovaning qo‘li-qo‘liga tegmaydi. Kafedra o‘qituvchilari bilan birgalikda berilgan maslahat va tavsiyalar asosida ishlarni yakuniga etkazishga harakat qilishayapti. Bu mas’uliyat va fidoyilikdan dalolat emasmi? Uchrashuv Ishchi guruh a’zosi, Toshkent davlat iqtisodiyot unversitetining yoshlar bilan ishlash bo‘limi boshlig‘i Azizbek Amonov BuxDU yoshlar yetakchisi F.Nurulloev bilan birgalikda harbiy xizmatni o‘tab tavsiyanoma asosida o‘qishga kirgan talabalar bilan yuzma-yuzmuloqot qilishdi. Ular o‘zlarini o‘ylantirayotgan muammolar va bir qancha takliflarni o‘rtaga tashlashdi. Ikki o‘rtada samarali savol javoblir bo‘lib o‘tdi. Shuningdek uchrashuvda unversitet boshlang‘ich tashkiloti qoshida tashkil etilgan “Jasorat” klubi faoliyatini qayta yo‘lga qo‘yib, yanada jonlantirishga ham kelishib olindi. Zero, harbiy xizmatda toblangan yigitlar o‘qishda, sportda, jamoat ishlarida hammaga o‘rnak bo‘lishlari lozimligi alohida ta’kidlandi. Mannon OtaboyBuxDU matbuot kotibi