8-aprel, ya’ni bugun Rossiya va O‘zbekiston OTM rektorining mintaqaviy konferensiyasi boshlandi. Unda O‘zbekiston Respublikasining 20 nafar oliy ta’lim muassasalari rektorlari ishtirok etayotganligi haqida xabar bergan edik.Shuni alohida takidlamoqchimizki, Buxoro davlat universiteti rektori Obidjon Xamidov ham ushbu nufuzli konferensiyada qatnashmoqda.Mintaqaviy konferensiyada asosiy masala sifatida oliy ta’lim sohasida ikki tomonlama erishilgan kelishuvlarni amalga oshirish masalasi muhokama qilinadi.Jumladan, 2018-yil oktyabr oyida Buxoro davlat universitetining Rossiya Federatsiyasi Oliy ta’lim muassasalari bilan imzolangan hujjatlarni amalga oshirish hamda ikkinchi Rossiya-O‘zbekiston ta’lim forumini o‘tkazishga tayyorgarlik ko‘rish masalalari hamkorlar tomonidan ko‘rib chiqiladi. Forum kun tartibiga ko‘ra Oliy va o‘rta maxsus ta’lim vazirligi delegatsiyasi Rossiya Federatsiyasi Fan va oliy ta’lim vazirligi vakillari bilan ikki tomonlama muzokaralar o‘tkazadi, Astraxan shahridagi OTMlarga tashrif buyurib, ular faoliyati bilan tanishadi.Shuningdek, ushbu konferensiya davomida Rossiya Federatsiyasining boshqa Oliy ta’lim muassasalari bilan o’zaro hamkorlikni yo’lga qo’yish va kuchaytirish masalalari bo’yicha uchrashuvlarni amalga oshirish rejalashtirilgan. Mannon OtaboyBuxDU matbuot kotibi
