BuxDu huzurida faoliyat olib borayotgan Qorako’l tumanidagi 3-son akademik litcey o’quvchilari Qozog’istonning Amata shahrida bo’lib o’tgan Jautikov nomli 15-Xalqaro olimpiadada muvoffaqiyatli ishtirok etdilar.Olimpiadada 18 davlatdan 540 ta talaba matematika, fizika va informatika fanlaridan bellashdilar.Litceyning bilimdonlar bahsida 3-kurs o’quvchilari Abbos Sayliyev oltin, Elbek Toshpo’latov va Jasur Imomovlar kumush, Salimxo’ja Abdullayev esa bronza medalini qo’lga kiritdilar.Rossiya, AQSH, Turkiya, Daniya, Ruminiya va Belorusiya kabi davlatlardan tashrif buyurgan tafakkur g’unchalari orasidan 1 ta oltin, 2 ta kumush va 1 ta bronza medaliga egalik qilishning o’zi bo’lmaydi.O’quvchilarimiz kunni tunga, tunni kunga ulab chekkan zahmatlarimizni oqlashdi-deydi akademik litcey direktori G’olibjon Jumaqulov.Darhaqiqat, o’quvchiga bilim o’rgatish nina bilan quduq qazishdek gap. Quduqdan zilol chashmalar otilib chiqdi. Keling, bu chashmalar daryolarga qo’shilsin. O’z ob-hayot nafasidan mamlakatimizni gullab-yashnatsin. Mannon OtaboyBuxDU matbuot xizmati
