O‘zbekiston “Adolat” SDP Buxoro viloyat Kengashi “Yosh adolatchilar” qanoti tashabbusi hamda Buxoro Davlat universiteti bilan hamkorlikda partiyaning “Vatan kelajagi yoshlar qo‘lida” loyihasi doirasida “Odam savdosi, ekstremizm va terrorizm: inson huquq va erkinliklariga tahdid” mavzusida davra suhbati tashkil etildi. Tadbirda partiya viloyat Kengashi xodimlari, ta’lim dargohi o‘qituvchi va talabalari ishtirok etishdi.Tadbir yoshlarni turli salbiy illatlardan himoya qilish hamda ularga odam savdosi, terrorizm va ekstremizm kabi illatlarning tub mohiyatini, ochib berishga qaratildi. Davra suhbatini kirish so‘zi bilan Buxoro Davlat universiteti “Tasviriy san’at va muhandislik grafikasi” kafedrasi o‘qituvchisi Sharofat Sobirova ochib berar ekan, u yoshlar uchun mamlakatimizda yaratilayotgan sharoitlar hamda bu borada universitetda qilinayogan amaliy ishlar xususida to‘xtalib o‘tdi.Partiya viloyat Kengashi raisi o‘rinbosari Bobir Rajabov tadbir davomida so‘zga chiqib, mamlakatimizda 2008 yil 17 aprelda “Odam savdosiga qarshi kurashish to‘g‘risida”gi qonunning mazmun-mohiyati haqida to‘xtalib o‘tdi. SHu bilan birga mamlakatimizda aynan odam savdosi, ekstremizm va terrorizmga qarshi kurashishga juda katta e’tibor qaratilganligi, bunday jinoyatlarning oldini olish, uni bartaraf etish maqsadida huquqiy asoslarning yaratib kelinayotganligi to‘g‘risida fikr-mulohazalar bildirildi.Mannon OtaboyBuxDU: matbuot kotibi
