Bugunning yoshlari haqiqatdanda baxtiyor avlodlardir. Yurtimizda yoshlarning puxta bilim, mukammal kasb-hunar egallashlari, kelajakda o'z sohasining yetuk mutaxassislari bo'lib yetishishlari uchun yetarlicha imkoniyatlar yaratib berilmoqda.Buxoro davlat universiteti talabalar turar joyida "Maktabgacha va boshlang'ich ta'lim" fakulteti o'qituvchilari F.Qosimov hamda M.Hakimovalar tashabbusi bilan "Matematika olamiga sayohat" nomli tadbir o'tkazildi. Unda 4.1BTU-17 va 4.2BTU guruhi talabalari o'zlarining bor mahoratlarini ko'rsatishdi. Musobaqa tarzida o'tgan tadbirda talabalarga matematik topshiriqlar berildi, qiziqarli savollar taqdim etildi.-Talabalarning iqtidorini, mahoratini ko'rib to'g'risi, hayratlanaman, - deydi M.Hakimova. Bilimga intiluvchanliklari, tirishqoqliklariga havas qilsa arziydi. Bunday tadbirlarni yanada ko'proq tashkil qilib, barcha talabalarni jalb qilishga harakat qilamiz.Bugungi tadbir talabalarning qiziqishlari bo'yicha bilim va ko'nikmalar berish bilan birga ularni bo'sh vaqtini mazmunli o'tkazishlariga xizmat qiladi. Kelajakda bu iqtidor egalari o'z sohasining yetuk mutaxassislari bo'lib yetishishlari bilan birga, Vatan istiqboli uchun o'z hissalarini qo'shishlariga ishonamiz.Tadbir yig'ilganlarning barchasiga ma'qul bo'ldi. Bunday tadbirlarni doimiy ravishda tashkil qilishga kelishib olindi.Zilola Po'lotova
