Bosh qomusimiz yaratilganligining 26 yilligi Buxoroda ham katta tantanalar bilan kutib olinmoqda. Huquq va majburiyatlarimizni o‘zida ifoda etgan Konstitutsiyamiz dunyoda o‘z o‘rni va mavqeiga egaligi bilan ham har birimizga g‘urur baxsh etadi. Yoshlarimiz ko‘zida yonib turgan o‘t va bilagidagi kuch ham shundan dalolat beradi.6-dekabr kuni Buxoro viloyati “Yoshlar markazi”ning ulkan zalida Buxoro davlat universitetining “Milliy g‘oya, ma’naviyat asoslari va huquq ta’limi” kafedrasi hamda O‘zbekiston Yoshlar ittifoqi Buxoro viloyat Kengashi tomonidan tashkil etilgan “Konstitutsiya taraqqiyotimizning mustahkam poydevori” mavzusidagi bayram tadbirida talabalar, harbiylar va yoshlar ittifoqi faollari ishtirok etishdi.Tadbirda yoshlarga Konstitutsiyamiz tarixi, yaratilishi, uning dunyoda mavjud shunday hujjatlardan afzallik jihatlari mutaxassislar tomonidan batafsil tushuntirildi. Konstitutsiyamizda o‘z aksini topgan ezgu niyatlar alohida ta’kidlab o‘tildi.Anjuman so‘ngida vatan va yurt madhiga bag‘ishlangan she’rlar, kuy-qo‘shiqlar yangradi.Mannon OtaboyBuxDU Matbuot xizmati
