O‘zbekiston Respublikasi Prezidentining 2020 yil 6 noyabrdagi PF-6808-son “O‘zbekistonning yangi taraqqiyot davrida ta’lim-tarbiya va ilm-fan sohalarni rivojlantirish chora-tadbirlari to‘g‘risida”gi farmonida “ilm-fanni iqtisodiyotning asosiy harakatlantiruvchi kuchiga aylantirish, ilmiy tadqiqotlar ko‘lamini kengaytirish, iqtidorli yosh olimlarning innovatsion faoliyatini rag‘batlantirish, mavjud ilmiy tashkilotlar salohiyatini yanada mustahkamlash va rivojlantirish”ni O‘zbekistonning yangi taraqqiyot davrida ilm-fan sohasini yanada rivojlantirishning muhim yo‘nalishi sifatida belgilab berilgan. Yangi O‘zbekistonda ilmiy darajali kadrlarni tayyorlash samaradorligini oshirish muhim ahamiyat kasb etadi. Chunki, aynan PhD va DSc ilmiy darajalarga ega bo‘lgan kadrlarning salmog‘i O‘zbekistonning xalqaro reytinglaridagi nufuzini oshirishda hal etuvchi ko‘rsatkichlardan biri hisoblanadi.2017-2020 yillarda mamlakatimizda ilmiy darajali kadrlarni tayyorlash samaradorligini oshirishga katta e’tibor qaratib kelmoqda. Xususan mintaqalarda ilmiy-tadqiqot ishlarni olib borilayotgan yosh izlanuvchilar uchun munosib shart-sharoit yaratib berilmoqda. Bunga amaliy chora sifatida 2020 yilning boshidan O‘zbekiston Respublikasi Vazirlar Mahkamasi huzuridagi Oliy attestatsiya komissiyasi rayosati qarori bilan Buxoro davlat universiteti huzurida 08.00.05.-“Xizmat ko‘rsatish tarmoqlar iqtisodiyoti” va 08.00.13.-“Menejment” ixtisosliklari bo‘yicha ilmiy darajalar beruvchi PhD.03/30.12.2019.I.72.05 raqamli Ilmiy kengash ochib berildi. OAKning bunday qarori koronavirus pandemiyasi davrida juda ham oqilona qaror bo‘lid, yuzlab buxorolik iqtisodchi-izlanuvchilariga uyidan turib ilmiy darajaga ega bo‘lish say’-harakatlarini qilish va ilmiy-tadqiqot ishlarini faollashtirishga ilhomlantirdi. Men ushbu ilmiy kengash qoshidagi ilmiy seminari raisi sifatida OAKning bunday ilmiy darajali kadrlarni tayyorlash jarayonlarining shaffofligini ta’minlash va samaradorligini oshirish bilan bog‘liq chora-tadbirlariga ofarin deb, minnatdorchilik bildiraman. Chunki, 2020 yilning 10 oyida hududdan 5 ta izlanuvchi PhD dissertatsiyalarini ilmiy seminarda muhokamadan o‘tkazib, ilmiy kengashda himoyaga tayyor bo‘lib turibdi. 10 ta izlanuvchilar esa doktorlik dissertatsiyalarini yakunlab, kafedralarda muhokamadan o‘tganlar.Yuqoridagi fikr-aqidalardan kelib chiqqan holda Yangilanayotgan O‘zbekiston davrida OAK rayosatining ilmiy darajali kadrlarni tayyorlash jarayonlarining shaffofligi va samaradorligini oshirish say’-harakatlarini shubha bilan qarashlar notug‘ri ekanligini bildiraman. Baxtiyor Negmatovich Navruz-ZodaBuxoro davlat universitetiiqtisodiyot fanlari doktori, professor
