+998 (65) 221 29 14

+998 (65) 221 27 64

Sport faoliyati va pedagogika fakulteti

  1. Bosh sahifa  
  2. Sport faoliyati va pedagogika fakulteti  
  3. Sport faoliyati va pedagogika fakulteti
buxdu.uz-Buxoro Davlat Universiteti

Dekan

Inoyatov Аbdullo Shodiyevich

pedagogika fanlari bo’yicha falsafa doktori (PhD)

Har kuni 09.00 dan 17.00 gacha

8(365)221-29-14

Buxoro shahri, M.Iqbol ko`chasi 11 uy

a.sh.inoyatov@buxdu.uz

998(90)510-58-30

buxdu.uz-Buxoro Davlat Universiteti

Dekan o'rinbosari

Qobiljonov Qosimjon Qobiljon o‘g‘li

o'qituvchi

-

-

Buxoro shahar, M.iqbol 11-uy

q.q.qobiljonov@buxdu.uz

-

buxdu.uz-Buxoro Davlat Universiteti

Dekan o'rinbosari

Toshev Alisher Temirovich

dotsent

har kuni 9.00-17.00 (shanbadan tashqari)

-

Buxoro shahar, M.iqbol 11-uy

a.t.toshev@buxdu.uz

-

buxdu.uz-Buxoro Davlat Universiteti

Dekan o'rinbosari

Qayimov Laziz Mirzo o‘g’li

o'qituvchi

har kuni 9.00-17.00 (shanbadan tashqari)

+998(65)221-29-14

Buxoro shahar M.iqbol ko'chasi 11 uy

l.m.qayimov@buxdu.uz

-

Sport faoliyati va pedagogika fakulteti

02.04.2024

1964-yilda Buxoro davlat pedagogika institutining pedagogika fakulteti huzurida jismoniy madaniyat bo‘limi  holatida tashkil etilib, bitta guruh talabalari qabul qilingan. 
1964-1967-yillarda ushbu bo‘limga pedagogika fanlari nomzodi, dosent K.X.Xayrullayev rahbarlik qildi. 1967-yildan boshlab jismoniy madaniyat fakulteti o‘zining faoliyatini alohida fakultet sifatida olib borib tamal toshini qo‘ydi. Fakultetga birinchilar qatori 1967-1972-yillar sport ustasi dotsent H.N.Rajabov, 1972-1980-yillar pedagogika fanlari doktori, professor A.Q.Atoyev, 1980-1984 yillar pedagogika fanlari nomzodi, professor H.A.Botirov, 1984-1992 yillar pedagogika fanlari nomzodi, dotsent I.I.Burnashev, 1992-1993-yillar pedagogika fanlari nomzodi, dosent A.B.Boltayev, 1993-1994-yillar katta o‘qituvchi  Gʻ.S.Salomov, 1994-1995-yillar katta o‘qituvchi Sh.R.Bafoyev-lar  yetakchilik qilishdi. 1995-yil avgustdan oyidan boshlab fakultetlar birlashtirilib pedagogik markaz tashkil etildi. Jismoniy madaniyat fakulteti Pedagogik markaz tarkibiga qo‘shildi. Pedagogik markazga   pedagogika fanlari doktori, professor M.H.Mahmudov rahbarlik qildi. 2011-yilda universitet tuzilmasi optimallashtirilishi natijasida yana jismoniy madaniyat fakulteti alohida fakultetga aylantirildi. 2011-yil avgust oyidan dekabr oyigacha fakultetga kimyo fanlari nomzodi, dotsent M.Y.Ergashov dekanlik vazifasini bajardi, 2011-2023-yilgacha fakultetni pedagogika fanlari doktori, professor B.B.Ma’murov boshqarib keldi.
2023-2024-o`quv yilidan boshlab fakultet dekanlik vazifasini pedagogika fanlari nomzodi, professor A.Sh.Inoyatov boshqarib kelmoqda.
Fakultet tarixiga nazar solganda, tashkil etilgan vaqtda faqat birgina “Jismoniy tarbiya nazariyasi asoslari va gimnastika” kafedrasi ochilgan edi. Hozirgi kunga kelib Sport faoliyati va pedagogika fakultetida 5 ta kafedra ochilgan.  Kafedrada  jismoniy ta’lim va tarbiyaning yetuk namoyandalari A.Atoyev, G.Krivoshlikov, G.Zverov, A.Aleksandrovskiy, G.Shapavalova, I.Yusupov, R.Xoxlova, X.Rajabov kabi ustozlar o`z faoliyatlarini samarali olib borib nafaqaga chiqishgan va fakultetda bir qator professor – o`qituvchilar yetakchilik qilmoqda. Kafedralarda salohiyatli, iqtidorli ustoz va murabbiylar foliyat olib bormoqda.
Sambo kurashi bo‘yicha S.Qurbonov, F.Xoliqov, I.Turobov, Q.Toshev, velosport bo‘yicha G.Shamanayev, V.Kurkina, Sh.Vafoyev, L.Shuliko,  I.Ashurov,  B.Bozorovlar o‘z shogirdlari bilan O‘zbekiston, Osiyo,  Jahon birinchiliklarida qatnashib, oltin, kumush, bronza medallarini qo‘lga kiritishga sazovor bo‘lib, fakultet dovrug‘ini taratdilar. 
Bugungi kunda fakultetda beshta kafedra faoliyat olib boradi: “Sport nazariyasi va metodikasi”, “Sport faoliyati”, “Pedagogika”, “Maktabgacha ta’lim” hamda “Boshlang‘ich ta’lim”. 
O‘tgan vaqt ichida kafedralarni quyidagi professor-o‘qituvchilarimiz boshqarib keldi. “Sport nazariyasi va metodikasi” kafedrasini I.I.Burnashev, A.Q.Atoyev, Gʻ.M.Salimov, Q.P.Arslonov va hozirgi kunda professor R.S.Shukurov boshqarib kelmoqda. “Sport faoliyati” kafedrasini  V. Malomet, H.A. Botirov, I. Yusupov, G. Bafoyev, B.Gʻ. Giyosov, K.R. Toshev, I.I. Burnashev, R.S.Baymuradov, J.A. Abdullayev, B.B. Ma’murov, A.K. Ibragimov boshqarib keldi. Ayni paytda kafedraga dotsent  A.E.Sattorov mudirlik qilmoqda.
1957-yil sentabrida Buxoro davlat pedagogika instituti, tabiat fakulteti huzurida pedagogika va boshlang’ich ta’lim metodikasi bo’limi tashkil etildi.     
1958-1959- o’quv yilida esa bo’lim maxsus fakultetga aylantirildi va Boshlang’ich ta’lim pedagogikasi va metodikasi kafedrasi ochildi. Kafedraga K.X.Xayrulayev mudirlik qildi.   1977 -yilning oxiriga kelib Boshlang’ich ta’lim pedagogikasi va metodikasi kafedrasi ham ikkiga ajralib, Boshlang’ich ta’lim pedagogikasi va Boshlang’ich ta’lim nazariyasi va metodikasi kafedralariga ajratildi.  Boshlang’ich ta’lim  pedagogikasi  kafedrasiga  1978-1985 -  yilda  K.X.Xayrullayev,  1985-1989 - yil  I.I.Shamsiddinov, 1989-1995 - yillar O.R.Roziqov rahbarlik qildi.  Boshlang’ich ta’lim nazariyasi va usuliyoti kafedrasiga 1978-1986 - yillarda Sh.R.Rayhonov, 1986-1992 - yillarda F.M.Qosimov rahbarlik qildi.
1962-yilning avgust oyida boshlang’ich ta’lim metodikasi fakulteti huzurida Musiqa bo’limi tashkil etildi va yana bir yangi Musiqa va ashula kafedrasi ochildi.  Kafedraga T.T.Tursunov mudir etib tayinlandi. Keyinchalik 1973-yilda Musiqa va ashula kafedrasi bazasida ikkita kafedra tarkib topgan edi. Musiqa nazariyasi va cholg’u asboblari kafedrasi va Xor dirijyorligi va ashula kafedralari. Ularning biriga T.T.Tursunov, ikkinchisiga M.B.Rahmatovlar mudirlik qildi.
    Keyinchalik 1977-1983-yillar davomida Musiqa bo’limi alohida fakultet bo’lib ham faoliyat ko’rsatdi.
    1956-1966-o’quv yilida fakultet bazasida yangi jismoniy tarbiya bo’limi ochildi va u ham 1968-yilda alohida jismoniy madaniyat fakulteti bo’lib ajraldi.1972-1973-o’quv yilida fakultet bazasida yana bir yangi Rasm va chizmachilik bo’limi ochildi. Bu bo’lim ham 1975-yil yanvaridan alohida Badiiiy grafika va chizmachilik fakulteti bo’lib ajralib chiqdi.1984-yilning yanvaridan boshlab Musiqa fakulteti qaytadan shu fakultet bilan birlashib Boshlang’ich ta’lim pedagogikasi, metodikasi va musiqa fakulteti nomi bilan ataldi. Fakultetda bu davrga kelib 4 ta kafedra faoliyat ko’rsata boshladi.
   1991-yildan boshlab, fakultet bazasida yangi maktabgacha tarbiya pedagogikasi bo’limi ochildi. Bunda ham kunduzgi, ham sirtqi bo’limlarga talabalar qabul qilindi. 
   1993-yilda  Boshlang’ich ta’lim nazariyasi va  usuliyoti kafedrasining barcha soatlari - yangi kafedra ixtiyoriga o’tdi.  Kafedraga dotsent D.R.Ro’ziyev rahbar etib tayinlandi. 
   1996-yilning sentabridan boshlab kafedraning nomi Maktabgacha tarbiya va boshlang’ich ta’lim asoslari deb o’zgartirildi. 
   1999-2000-o’quv yilidan boshlab kafedraning nomi  yana Boshlang’ich ta’lim nazariyasi va usuliyoti kafedrasi deb atala boshlandi. Bu kafedraga dotsent D.R.Ro’ziyev  mudir qilib tayinlandi.
   1999-2000-o’quv yilidan boshlab Maktabgacha tarbiya  pedagogikasi bo’limining o’rniga Pedagogika va psixologiya bo’limi, 2001-2002-o’quv yilidan boshlab, yangi-psixologiya bo’limlari ochildi va unga talabalar qabul qilindi.
   1995-yil sentabrida  Jismoniy madaniyat va harbiy ta’lim  fakulteti Boshlang’ich  ta’lim  va musiqa fakulteti bilan birlashtirildi va Pedagogik o’quv markazi deb yuritila boshlandi.  Bu davrga kelib  yangi  kafedra   pedagogika  va  psixologiya asoslari  kafedrasi  ochildi.  Ushbu kafedraga  1995-1998-yillarda dotsent B.R.Adizov,  1998-yildan boshlab psixologiya fanlari doktori Sh.R.Barotovlar rahbarlik qilib kelmoqda.  Keyinchalik 1996-yilda Tabiatshunoslik asoslari kafedrasi ochildi va bu kafedraga dotsent G’.M.Sayfullayev rahbar etib tayinlandi.
   1998-yil 1-sentabrdan boshlab,  Pedagogik o’quv markazi nomi bekor qilinib, Pedagogika va jismoniy madaniyat fakulteti deb yuritila boshlandi.
Kafedra 1959-yili Boshlang’ich ta’lim metodikasi fakulteti bilan bir vaqtda Boshlang’ich ta’lim pedagogikasi va metodikasi kafedrasi tarkibida ochilgan. Bu kafedra 1977-yilgacha faoliyat ko’rsatdi. Shundan so’ng ushbu kafedra ikkiga: Boshlang’ich ta’lim pedagogikasi va Boshlang’ich ta’lim usluliyoti kafedralariga ajratildi. Boshlang’ich ta’lim ixsosligidagi  barcha fanlar  shu kafedraga biriktirilgan edi.
   1977-yilda Boshlang’ich sinflar pedagogikasi kafedrasi ajralib chiqdi va 1981-yilgacha kafedraga dotsent O.R.Roziqov rahbarlik qildi.  
   1981-84- yillarda  K.X.Xayrullayev,  1984-89-  yillar davomida  I.I.Shamsiddinov,  1989-95-yillarda pedagogika fanlari doktori, professor  O.R.Roziqov   rahbarlik qildi. Boshlang’ich ta’lim usuliyoti ixtisosligidagi ona tili va uni o’qitish usuliyoti fani mazkur kafedra ixtiyoriga berilgan.
   1984-yilda o’zbek tili nazariyasi va usuliyoti kafedrasi tashkil qilindi. Unga filologiya fanlari nomzodi, dotsent I.I.Shamsiddinov kafedra mudiri etib tayinlandi. Rus tili va uni o’qitish usuliyoti fanlari ham shu kafedraga o’tkazilgan.
   1989- yildan boshlab ushbu kafedraga ona tili asoslari va nutq o’stirish nomi berildi. Unga pedagogika fanlari doktori, professor O.R.Roziqov kafedra mudiri etib tayinlandi.
   1984- yilda mazkur kafedra rektoratning buyrug’i  bilan ona tili nazariyasi va usuliyoti deb nomlana boshlandi.
   1995-yil 1-sentabrida rektoratning maxsus buyrug’iga asosan Pedagogik o’quv markazi tashkil etildi.  Mazkur buyruqqa binoan markaz huzurida Tillar kafedrasi ochildi. Unga filologiya fanlari doktori, professor G’.N.Zikrillayev mudir etib tayinlandi. Ona tiliga doir barcha fanlar, shuningdek rus, tojik, ingliz, nemis va fransuz tili shu kafedraga olib berildi.2000-yil filologiya fanlari nomzodi, dotsent Y.Y.Azimov kafedraga mudir etib tayinlandi.
   Kafedraga 2006-2011-yillarda filologiya fanlari doktori, professor O.S.Safarov, 2011-2012 avgustgacha pedagogika fanlari nomzodi, dotsent M.M.Tilavova, 2012-2016 – yillar pedagogika fanlari nomzodi, dotsent A.R.Hamroevlar mudirlik qildi.
2016 – yil noyabrdan -2019-yil avgust oyigacha Boshlang‘ich ta’lim kafedrasiga pedagogika fanlari doktori, professor M.H.Mahmudov mudirlik qildi.
2019-yil universitet tuzilmasidagi o‘zgarishga asosan Boshlang‘ich ta’lim kafedrasi negizida 2ta kafedra tashkil etildi. Bular boshlang‘ich ta’lim nazariyasi va boshlang‘ich ta’lim metodikasi kafedralari.
2019 –yil sentyabr oyidan boshlang‘ich ta’lim nazariyasi kafedrasiga filologiya fanlari bo‘yicha falsafa doktori (PhD), dotsent M.Yo.Ro‘zieva, boshlang‘ich ta’lim metodikasi kafedrasiga pedagogika fanlari doktori (DSc), professor A.R.Hamroyev mudir etib saylandi.
Yuqori malakali pedagogik kadrlarni tayyorlash maqsadida 1933-yilda Buxoro davlat Pedagogika institutida Pedagogika va psixologiya kafedrasi tashkil etildi. Kafedraning birinchi mudiri professor M. Smolenskiy bo‘ldi.  
U kafedra faoliyatining asosiy yo‘nalishini pedagogika va psixologiya fanlarining nazariy va eksperemental asoslarini tadqiq qilishga alohida e’tibor qaratdi. 1935 yilda kafedra mudirligiga V.Zaborskiy, 1941-yildan 1950-yilgacha dotsent V. Norishkin tayinlandi. Bu yillarda kafedraning asosiy faoliyati o‘quv ishlari bilan bog‘langan bo‘lib, o‘qituvchilar, xalq maorifi organlariga o‘quv-tarbiya jarayonini tashkil qilish uchun amaliy yordam ko‘rsatishga qaratildi. Ilmiy ishlar esa ilmiy-metodik jurnallarga maqolalar yozish, ilg‘or pedagoglar tajribasini umumlashtirish, maktablarda o‘quv-tarbiya jarayonini ilmiy asosda tashkil etishni matbuotda yoritish bilan chegaralandi.
Kafedra a’zolaridan V. Narishkin, N. Shirboev, N Hasanovlar nomzodlik va doktorlik ilmiy darajalariga ega bo‘lish maqsadida dissertatsiya ishlarini himoya qilgan. Urushdan keyingi yillarda son va sifat jihatdan kafedraning ilmiy salohiyati oldingi yillarga nisbatan o‘sdi va mustahkamlandi, uning o‘quv ishlab chiqarish, ilmiy tadqiqot faoliyat yo‘nalishi takomillashdi. Kafedra dotsenti M. Xolmetovga o‘xshagan zaxmatkash olimlar maktab va oila hamkorligi, yoshlar tarbiyasiga oid 30 dan ortiq ilmiy maqola, 2 ta o‘quv qo‘llanma yozishga erishdilar.
1959-yilda kafedra mudirligiga Sh. Balavadze tasdiqlandi. Uning mudirligi davrida kafedrada o‘quv-tarbiya ishlari jadal rivojlandi. Sh. Balavadzening o‘zi 1965-yilda "O‘rta maktabning yuqori sinf o‘quvchilariga o‘qish va sinfdan tashqari ishlar jarayonida o‘z-o‘zini anglash dunyoqarashini shaklantirish" mavzusida doktorlik dissertatsiyasini himoya qildi. Dissertatsiya mavzusi bo‘yicha uning 40 dan ortiq ilmiy ishlari chop etilgan. Uning rahbarligida kafedraning 10 ga yaqin a’zolari (B. Nizomov, N. Homidov, D.Ramizov, R.Tursunov, T.Bobomurodov, Ch. Niyozov, Q.Toshev va boshqalar) pedagogika va psixologiya yo‘nalishlarida ilmiy-tadqiqot ishlarini olib borib, ayrimlari nomzodlik dissertatsiyalarini himoya qilganlar. Bu davrda kafedrada professorlar A.Belskiy, S Benderkov, N. Protkov, M. Aripov (Orifi)lar ishladi. 
1974-yildan boshlab kafedraga K. Zaripov mudirlik qildi. Bu davrda kafedrada dotsent G.Kuznesova, katta o‘qituvchilar Ch. Niyozov, R. Magdieva, O.Sodiqova, I.Tolmasov, I.Qodirov, A.G‘ulomov, Q.Toshev. X. Bobomirzoevlar ishladilar. Psixologiya ta’limi yunalishida R.Tursunov, M.Tursunova, A.Xolovalar ilmiy tadqiqot ishlarini olib bordilar.
K.Zaripov 1973-yilda akademik S. Rajabov rahbarligida “O‘qituvchi kasbiy darajasining rivojlanishi va takomillashuvida ilmiy-texnik taraqqiyotning ta’siri” mavzusida nomzodlik dissertatsiyasini yoqladi. K.Zaripov tomonidan shu mavzu buyicha 30 dan ortiq ilmiy maqola, 3 ta monografiya chop etilgan. Keyinchalik K.Zaripov uch nafar, ya’ni I.Qodirov, N.Baqoev, M Rahmatovlarning ilmiy ishlariga rahbarlik qildi. Shulardan I.Qodirov “Fanlararo aloqalarning yuqori sinf o‘quvchilarida g‘oyaviy-siyosiy tarbiyaning vositasi”, N.Baqoev “Chet tillarni o‘qitish jarayonida talabalarni g‘oyaviy-siyosiy tarbiyalash” mavzusida nomzodlik dissertatsiyalarini himoya qilishdi.
1974-yilda kafedra o‘qituvchisi A.G‘ulomov “4-sinf ona tili darslarida o‘quvchilarning mustaqil ishlarini tashkil qilishning ilmiy-metodik asoslari” mavzusida nomzodlik dissertatsiyasini himoya qildi. 1975-yilda A. G‘ulomovning “Ona tili darslarida o‘quvchilarning mustaqil ishlari” o‘quv qo‘llanmasi, 1980-yilda “O‘qituvchi” nashriyotidan “4-sinf ona tili darslarida o‘quvchilarning mustaqil ishlarini rivojlantirish” monografiyasi, shu bilan bir qatorda dotsent K. Zaripovning "Sinfdan tashqari ishlarni tashkil qilishda sinf rahbarining faoliyati" o‘quv qo‘llanmasi, "Maktab yetakchi tashkilotlarini kasb tanlashga yo‘llash”, “Pedagogika fanlaridan seminar va amaliy mashg‘ulotlarni o‘tkazish metodikasi” monografiyalari chop etildi. Mazkur yillarda Pedagogika va psixologiya kafedrasida psixologiya fani buyicha R.Tursunov, M.Tursunova. L.Xolovalar ilmiy tadqiqot ishlarini olib bordilar. R.Tursunov badiiy obrazlar idroki, yo‘nalishida M.Tursunova badiiy qobiliyatlarni rivojlantirish masalalari, L.Xolova ijtimoiy psixologiya muammolari bo‘yicha ilmiy izlanishlar olib bordilar. Ular tomonidan 20 bosma taboqdan ortiq ilmiy ishlar nashr etildi. Akademik S.Rajabov  kafedrada ilmiy tadqiqot ishlarini olib borishda bevosita amaliy yordam ko‘rsatdi. Kafedra Nizomiy nomida TDPI, Samarqand davlat universiteti, Kiev davlat pedagogika va chet tillar instituti, Ukrainadagi Cherkyasdavlat pedagogika nnstitutlari bilan muntazam ravishda ilmiy tadqiqot ishlari bo‘yicha aloqa o‘rnatdi.
1977-yilda kafedraga B.Xo‘jayev, Z.Nosirov, X.Bafoyeva, L.Fridman, A. Sirsova kabi yosh o‘qituvchilar tanlov asosida ishga qabul qilindi. Bulardan Z.Nosirov, B.Xo‘jayev, L. Fridmanlar Moskva akademiyasi qoshidagi “Kasb va mehnat ta’limi”, “Badiiy tarbiya” ilmiy tadqiqot institutlarida o‘qib, Z.Nosirov "O‘quvchilarning kasbga yo‘llashning nazariy pedagogik asoslari”, B.Xo‘jaev “O‘zbek maktablarining yuqori sinflarida rus adabiyotini o‘qitish jarayonida o‘quvchilarda axloqiy-estetik idealni shakllantirish”, L. Fridman “Ijtimoiy foydali ishlab chikarish mehnati jarayonida sinf o‘quvchilarning iqtisodiy tarbiyasi” mavzusida nomzodlik dissertatsiyalarini muvaffaqiyatli himoya qildilar.
1982-yilda kafedraga O. Roziqov mudirlik qildi. Bu davrda kafedra o‘quv-tarbiya ishlari bilan birga “Ta’lim jarayonini optimallashtirish” va “Tarbiyaga kompleks yondashish va o‘quvchilarni kasbga yo‘llash” muammosi yo‘nalishlarida ilmiy tadqiqot ishlarini amalga oshirdi.
Turli yillarda kafedrani institutning quyidagi olimlari boshqardilar. 1991-1993- yillarda pedagogika fanlari doktori, professor K. Zaripov, 1994-1998-yillarda dotsent M.Solixova, 1998-2003-yillarda pedagogika fanlari nomzodi, dotsent        S.Y. Usmonova, 2003-2004-yillarda pedagogika fanlari doktori, professor                   A. G‘ulomov, 2004-2005-yillarda pedagogika fanlarn nomzodi, dotsent B.Xo‘jayev kafedra mudiri bo‘lib ishladilar. Shu yillar davomida kafedrada pedagogika fanlari doktorlari, professorlar K. Zaripov, O. Roziqov, M. Maxmudov. B Adizov,                  Q. Olimov, Sh.Olimov, ps.f.d.prof. Sh. Barotov, p.f.n., dotsentlar I.Shamsiddinov, J. Umarov, M.Salixova, B.Xo‘jaev, S.Usmonova, S.Og‘aev, Ch. Niyozov, Z.Nosirov, M.Mirzaeva va boshqa ko‘plab o‘qituvchilar faoliyat ko‘rsatishdi.
2005-2010-yillarda kafedra mudiri lavozimini pedagogika fanlari doktori, professor M. Mahmudov, 2010-2011-yillarda p.f.n., dots. B.Xo‘jayev, 2011-2013- yillarda p.f.d., prof. B.Adizov, 2013-2015-yillarda p.f.n, dots. G.Najmiddinovalar pedagogika kafedrasi mudiri bo‘lib ishladilar. 
Pedagogika kafedrasida shu yillarida 2 ta darslik, 5 ta o‘quv qo‘llanma, 30 dan ortiq o‘quv-uslubiy qo‘llanma va risola nashrga tayyorlanib chop etildi. Jumladan: O. Roziqov, M.Maxmudov, B.Adizov, S.Og‘aevlarning “Didaktika", O.Roziqov, M. Mahmudov, B.Adizov, A Hamroevlarning “Ona tili didaktikasi", O.Roziqov, B.Adizov, G. Najmiddinovalarning “Umumiy didaktika”, O.Roziqovning "Ta’lim texnologiyasi", B.Xo‘jaev, Sh.Olimovlarning “Pedagogik texnologiyalar", B. Xo‘jaevning “Pedagogik mahorat”, O‘.Qurbonovaning “Qiyosiy pedagogika” o‘quv qo‘llanmalaridan Respublika oliy ta’lim muassasalarida asosiy va qo‘shimcha darslik hamda o‘quv qo‘llanma sifatida foydalanib kelinmoqda.
Pedagogika-psixologiya bakalavr ta’lim yo‘nalishi iqtidorli talabalari 2002, 2005, 2008, 2013, 2016, 2017, 2018, 2019, 2020, 2021 yillarda pedagogika yo‘nalishi bo‘yicha Respublika olimpiadasi g‘oliblari bo‘lishgan.
Kafedra professor-o‘qituvchilari tomonidan Respublika jurnallari va ilmiy-amaliy anjumanlarida 1500 dan ortiq maqola va tezislar, xorijiy nashrlarda 200 dan ortiq ilmiy maqolalar chop etilgan.
1991-2015-yillarda kafedrada respublika miqyosidagi 18 ta ilmiy-amaliy anjumanlar o‘tkazilgan. 1991-2015 yillarda kafedra o‘qituvchilardan 8 nafari nomzodlik, 2 nafari doktorlik dissertatsiyalarini muvaffaqiyatli himoya qilgan. Kafedra huzurida “Yosh pedagog” to‘garagi, “Ta’lim texnologiyalari va pedagog innovatsiya" markazi faoliyat ko‘rsatib kelmoqda. Kafedra xuzurida 2000 yildan boshlab “Pedagogik mahorat” jurnali faoliyat yuritib keladi. Kafedra Rossiya davlatining Chelyabinsk davlat madaniyat instituti bilan hamkorlik qilib keladi.
    2016-yildan boshlab kafedraga pedagogika fanlari doktori, professor Sh.Sh.Olimov kafedra mudiri bo‘lib saylandi. Shu davrdan boshlab, kafedrada o‘quv-tarbiya, ilmiy, ma’naviy-ma’rifiy ishlar sezilarli darajada o‘sdi. 
Pedagogika-psixologiya bakalavr ta’lim yo‘nalishi iqtidorli talabalari  2016, 2017, 2018, 2019, 2020, 2021-yillarda pedagogika yo‘nalishi bo‘yicha Respublika olimpiadasi g‘oliblari bo‘lishdi. Kafedraning ilmiy salohiyati 45 % dan oshdi. Kafedrada oxirgi besh yilda 40 dan ortiq darslik va o‘quv qo‘llanmalar yaratildi. 200 dan ortiq uslubiy qo‘llanma va ko‘rsatmalar yaratildi. Kafedraning xalqaro hamkorligi kengaydi. Ayniqsa, Moskva davlat pedagogika universiteti, Novosibirsk davlat pedagogika universiteti, Janubiy Ural davlat pedagogika universiteti, Yevroosiyo texnologiyalar universiteti kabi OTM bilan hamkorlik o‘rnatildi. 
Fakultet ilmiy faoliyati. 
Ayni paytda fakultetda 87  nafar professor-o‘qituvchilarimiz yoshlarga saboq berib kelmoqda. Keyingi uch yil ichida   fakultet professor-o‘qituvchilari tomonidan respublikadagi OAK tasarrufidagi jurnallarda 2019-yil - 55 ta maqola,  2020-yil - 77 ta maqola, 2021-yil - 80 ta maqola, xalqaro jurnallardagi ilmiy maqolalar 2019-yil -54 ta maqola,  2020-yil -100 ta maqola, 2021-yil  -25 ta maqola, darsliklar 2019 -yil -7 ta darslik,  2020-yil – 9 ta darslik, 2021-yil  -5ta darslik, monografiya 2019-yil -3 ta,  2020-yil  -8 ta, o‘quv qo‘llanma 2019-yil -13 ta,  2020-yil -11ta, 2021-yil -10ta, mualliflik guvohnomasi 2019-yil -15ta,  2020-yil -7 ta, 2021- yil -1 ta, ilmiy daraja 2019-yil -2 ta,  2020-yil -3 ta, ilmiy unvon 2019-yil -2 ta,  2020-yil -1 ta, 2021- yil -2 tani tashkil etadi.
13 ta sport sohasi bo‘yicha sport to‘garaklari tashkil etilgan bo‘lib, 3500 dan ortiq talaba-yoshlar (16%) qamrab olingan. Universitetda 1 ta kurash zali, 1 ta boks zali, 1 ta voleybol zali, 1 ta gimnastika zali, 4 ta ochiq futbol maydoni, 2 ta sun’iy qoplamali futbol maydoni, 2 ta qo‘l to‘pi ochiq maydoni, 2 ta basketbol ochiq maydoni, 2 ta voleybol ochiq maydonlari mavjud.
Sport faoliyati va pedagogika professor-o‘qituvchilar tomonidan oxirgi uch yilda 5 ta monografiya, 36 ta o‘quv qo‘llanma, 22 ta darslik, 15 ta o‘quv-usuliy qo‘llanma, 275 dan ortiq chet el nashrlarida va respublikamizdagi OAK ro‘yxatidagi ilmiy jurnallarda ilmiy maqolalar hamda 215 dan ortiq maqola va tezislar nashr etilgan.
So‘ngi 3 yilda xalqaro musobaqa g‘oliblari 105 nafar, Respublika musobaqa g‘oliblari 231 nafar, Universiada g‘oliblari 15 nafarni tashkil etadi. 
2021-yilda Tokiyoda bo‘lib o‘tgan XVI paraolimpiya o‘yinlarida  Jismoniy madaniyat ta’lim yo‘nalishi 4 kurs talabasi Muxammad Rixsimov hamda 2 bosqich magistranti Sherzod Namozovlar ishtirok etdi. Chet el oliy ta’lim muassasalari bilan o‘zaro hamkorlik shartnomalarini tuzish, imzolash va uni amalga oshirish borasida keng ko‘lamli ishlar amalga oshirilmoqa. Jumaladan Janubiy Uralsk pedagogika universiteti, Lomonosov nomidagi  Moskva davlat pedagogika universiteti, Moskva davlat pedagogika universiteti va boshqa bir nechta xorijiy universitetlarning respublikamizdagi filiallari bilan hamkorlik aloqalari yo‘lga qo‘yilgan.
2000-yildan buyon oliy ta’lim muassasalari talabalari o‘rtasida o‘tkazilib kelinayotgan “Universiada” sport musobaqalarida viloyat terma jamoasining asosini fakultet talabalari tashkil qilib kelmoqda.
Fakultetdagi talim yo‘nalishlari:
Bakalavr:

60112200 - Jismoniy madaniyat;
61010300 – Sport  faoliyati: boks;
61010300 – Sport faoliyati: kurash;
60310900 – Psixologiya (Sport);
61010300 – Sport faoliyarti: erkin kurash;
61010300 – Sport faoliyati: voleybol;
61010300 – Sport faoliyati: futbol;
70112401-Jismoniy tarbiya va sport mashg‘ulotlari nazariyasi va metodikasi.
Fakultet manzili: Buxoro shahri, M.Iqbol ko‘chasi, 11-uy.