Buxoro davlat universiteti pedagog xodimlarining korrupsiyaga qarshi kurashish borasidagi malakasini oshirish komplaens nazorat tizimining asosiy faoliyat yo'nalishlaridan biri hisoblanadi. Korrupsiyaga qarshi kurashish komplaens nazorat bo`limi boshlig`i Qulliyev Yorqin Karimovich va Buxoro shahar IOFMBTEQKB xodimi Mansur Jabborovlar tomonidan Buxoro davlat universiteti “Axborot texnologiyalari” fakultetida korrupsiyaga qarshi kurashish tizimini mustahkamlash maqsadida «Axborot texnologiyalari fakultetida korrupsiyasiz taʻlimni joriy etamiz» mavzusida davra suhbati tashkil etildi.
Davra suhbati jarayonida Amaliy matematika va dasturlash texnologiyalari kafedrasi kata o`qituvchisi Maxsuma Ismoilova so`zga chiqib, professor o`qituvchilarga korrupsiyani oldini olish bo'yicha kompleks amaliy chora-tadbirlarni tashkil etish borasida asosiy yondashuvlar, qayd etilgan sohadagi milliy qonunchilik va xalqaro standartlar talablari, korrupsiya xavf-xatarlarini tahlil qilish metodlari, korrupsiyaga qarshi kurashish bo'yicha chora-tadbirlarni takomillashtirish, kasbiy odob-axloq qoidalariga rioya qilish va manfaatlar to'qnashuvining oldini olish kabi vazifalar bilan tanishtirib o`tdilar.
Tadbir davomida Axborot texnologiyalari kafedrasi katta o`qituvchisi Gulnora Bo`ronova tomonidan O'zbekiston Respublikasining "Korrupsiyaga qarshi kurashish to'g'risida"gi Qonuni to'g'risida ma'lumot berilib, mazkur qonun 6 bob, 34 ta moddadan iboratligi, u – korrupsiyaga qarshi kurashish sohasidagi huquqiy munosabatlarni to'liq qonuniy tartibga solishga, davlat organlari, tashkilotlar hamda fuqarolik jamiyati institutlari tomonidan amalga oshirilayotgan korrupsiyaga qarshi chora-tadbirlar samaradorligini oshirishga, fuqarolarning huquqiy ongi va huquqiy madaniyatini yuksaltirish orqali jamiyatda korrupsiyaning har qanday ko'rinishlariga toqat qilmaslik muhitini yaratishga xizmat qilishi haqida ma'lumotlar berib o'tildi.
Mazkur qonunning qabul qilinishi mamlakatimizda islohotlarning yangi davri boshlangani va bunda korrupsiyaga qarshi kurashish davlatning ustuvor vazifasi ekanidan dalolat ekani alohida ta'kidlab o`tildi.
