Buxoro davlat universiteti rektorining 2021-yil 20–oktabrdagi 428-U-sonli buyrug‘iga asosan universitet, uning tarkibiy bo‘linmalari xodimlarining etika va korrupsiyaga qarshi kurashish sohasida o‘qitilishini tashkil etish belgilangan. 19 aprel kuni “Milliy goya, ma`naviyat asoslari va huquq ta`limi” kafedrasi dotsenti F.D.Muzaffarov Pedagogika fakulteti professor-o`qituvchilari, tyutorlar va xodimlar bilan “Korrupsiyaga qarshi kurashish sohasida O`zbekiston Respublikasining asosiy ustivor yo`nalishlari” mavzusida o`quv mashg`ulotlarini olib bordilar. Bu o`quvlar fakultet jamoasida korrupsiyaviy harakatlarning oldini olish va ularni sodir qilishga xizmat qiladigan sabablarni bartaraf etish, xodimlarning huquqiy ongini oshirish va ularni O‘zbekiston Respublikasi qonunchiligi va Universitetning boshqa ichki hujjatlariga qatʼiy rioya qilish ruhida tarbiyalashga qaratildi. O`quv kursi tinglovchilarining korrupsiya mohiyati, uning jamiyat hayotining turli sohalari, o‘ziga xos jihatlari, sabablari, ijtimoiy jihatdan xavfli va zararli oqibatlari to‘g‘risida umumiy tasavvurni shakllantirilib, Universitet xodimlarini Universitetda amal qiluvchi korrupsiyaga qarshi kurash tamoyillari, talablari va tartib-qoidalari bilan tanishtirildi.
