O’zbekiston Respublikasi Prezidentining 2017 yil 3 iyundagi “Jismoniy tarbiya va ommaviy sportni rivojlantirish to’g’risida”gi PQ-3031 sonli Qarori, Oliy va o’rta maxsus ta’lim vazirligining 2017-yil 6-iyundagi 376-sonli buyrug’i ijrosini ta’minlash va talaba yoshlarning bo’sh vaqtlarini mazmunli o’tkazish maqsadida respublika Oliy ta’lim muassasalari talabalari o’rtasida 2017 yilning 14-17 dekabr kunlari Jizzax viloyatida "Erkin kurash" sport turi bo`yicha musoboqa bo’lib o’tdi. Musoboqada Buxoro davlat universitetida talabalari ishtirok etdi va terma jamoalar o’rtasida 1-o’rinni egalladi (Jamoa rahbari Aslonov Qahramon Polvonovich). Jumladan, mazkur musobaqada universitetimiz talabalari erkin kurash sport turi bo`yicha 3 ta oltin (Turopov Jahongirmirzo, Sharipov Suhrob, Yarashov Jamshid), 2 ta kumush (Hayitov Mirzo, Lutfullayev Amirxon), 1 ta bronza (Rajabov Ilhom) medallarni qo’lga kiritganligi sharafliydir.
