“O‘zbekiston Respublikasi Konstitutsiyasining 25 yilligiga bag‘ishlangan “Qomusimiz-baxtimiz” mavzusida 2017 yil 7 dekabrь kuni Buxoro davlat universiteti faollar zalida Fizika – matematika fakulьteti professor-o‘qituvchilari, ishchi xodimlari va talabalari ishtirokida bayram tadbiri o‘tkazildi. Tadbirni tashkillashtirishda “Informatika va axborot texnologiyalari” ta‘lim yo‘nalishi 1-2 kurs talabalari va Amaliy matematika va informatika ta‘lim yo‘nalishi 1-kurs talabalari faol ishtirok etishdi. Bayram dasturida talabalar tomonidan konstitutsiyani, vatanni madh etuvchi she‘rlar, kuy va qo‘shiqlar yangradi. 1-kurs talabalari tomonidan xayotimizda uchrab turadigan illatlardan biri bo‘lmish giyohvandlik to‘g‘risida sahna ko‘rinishi namoyish etildi. Tadbir ishtirokchilari tomonidan iliq kutib olingan sahna ko‘rinishini talabalar maromiga yetkazib ijro etishdi. Tadbirga taklif etilgan mexmonlardan falsafa kafedrasi katta o‘qituvchisi Narzullayev Zubaydullo Ubaydullayevich so‘zga chiqib, konstitutsiyaga kiritilgan o‘zgartirish va qo‘shimchalar haqida ma‘ruza qildilar va bugungi farovon xayotimizga, yurtimizning tinchligiga shukrona keltirdilar. Tadbirda mexmon sifatidan taklif etilgan “Barkamol avlod” bolalar ijodiyot uyining “Ofarin” raqs ansanblining jajji qizaloqlari tomonidan ijro etilgan vatanni madh etuvchi kuy va qo‘shiqlarga tayyorlangan raqslari barchani xushnud etdi. Tadbirga mehmon sifatida taklif etilgan ustozlar so‘zga chiqib, tadbir qatnashchilarini tabriklashdi va o‘zlarining samimiy tilaklarini bildirishdi.
