Joriy yilning 25 oktyabr kuni BuxDU Tarix fakulteti Arxivshunoslik yo’nalishi talabalari tashabbusi bilan Buxoro viloyat Arxiv boshqarmasi bilan hamkorlikda “O’zbek xalqining atoqli davlat arbobi va yozuvchi Sh. Rashidovning 100 yilligiga” bag’ishlangan tadbir bo’lib o’tdi. Tabirni Buxoro viloyat Arxiv boshqarmasi boshlig’i G’. Idiev ochib berdi. Buxoro viloyat davlat arxivi direktori S. Abbosova Prezidentimizning “Atoqli davlat arbobi va yozuvchi Sharof Rashidov tavalludining 100 yilligini nishonlash to’g’risida”gi qarori va uning ahamiyati hususida so’zlab berdi.So’ng, Tarix kafedrasi katta o’qituvchisi, Xalqaro Qadimshunoslik akademiyasi dosenti A. Hamroev Sh. Rashidov hayoti va faoliyatiga bag’ishlangan yangi biografik asar “Шараф Рашидов: Портрет человека в эпохе и эпохи в человеке”bilan barchani tanishtirdi.BuxDU Arxivshunoslik yo’nalishi 4 kurs talabalari Sh. Rashidovning badiiy ijodi haqida so’zlab, she’laridan namunalar o’qidilar.Ushbu kechani tashkil qilishda faol ishtirok etgan bir guruh talabalar Buxoro viloyat Arxiv boshqarmasining Faxriy yorliqlari bilan taqdirlandilar.Tarix kafedrasi katta o’qituvchisi, Xalqaro Qadimshunoslik akademiyasi dosenti A. Hamroevning viloyatimiz arxiv sohasini rivojlantirish va oliy ma’lumotli kadrlar bilan ta’minlashdagi beminnat xizmatlari uchun “O’zarxiv” agentligining “Tashakkurnoma”si bilan taqdirlandi. Tadbir mahalliy va respublika tele kanallari orqali namoyish etildi.[widgetkit id=99]
