Zararli odatlar deganda biz odatda, fakat, alkogolli ichimliklarni me’yoridan oshirib, muttasil iste’mol qilish, tamaki va nosvoy chekish, giyoxvandlik kabilarni tushunishga o‘rganib qolganmiz. Aslida zararli odatlar tushunchasi birmuncha keng bo‘lib, o‘z doirasiga ovqatlanish tartibiga rioya qilmaslik, organizm extiyojiga qaraganda ko‘proq ovqat eyishga o‘rganib qolish, dangasalik va ishyokmaslik, badjaxllik, axloksizlik, ust-bosh, hovli va uy xonalari iflosligi bilan ko‘nikib yashash, o‘z hayotini jamiyatda qabul qilingan me’yor va o‘lchamlar asosida tashkil qila bilmasdan, pala-partish o‘tkazish va hech bir maqsadsiz yashash, madaniyatsizligi va johilligi tufayli vegetativ turmush tarzida yashash bilan chegaralanib qolish kabi odatlarni ham oladi. Yoshlarimizni bu zararli odatlardan saqlash maqsadida Ma’naviyat va ma’rifat bo‘limi, , BuxDU “Ibn Sino salomatlik maskani” ma’rifat markazi, Viloyat Salomatlik va tibbiy statistika instituti, Viloyat OITS markazi, Viloyat Narkologiya dispanseri hamkorligida 31 may – Butun jahonda chekishga qarshi kurash kuni munosabati bilan 2015 yil 29 may kuni Harbiy fakultetda hamda 2015 yil 30 may Ijtimoiy- iqtisodiy fakultetda davra suhbati o‘tkazildi. Suhbat davomida talabalar o‘zlari uchun kerakli ma’lumotlarni olishdi.
