2018 yil 4 aprel kuni Buxoro davlat universitet bosh binosining majlislar yig’ingohida “Mehnat sohasidagi asosiy printsiplar va normalarga rioya etish masalalari” mavzusida seminar mashg’uloti o’tkazildi. O’quv mashg’ulotda universitet Buxoro viloyat kasaba uyushmalari tashkilotlari birlashmasi yuristkonsuli J.Muborakov, Buxoro viloyat IIB YoXB bosh mutaxassisi leytenant R.Toirov, Buxoro shahar IIB YoXB inspektori serjant A.Saidov hamda universitet o’qituvchilari, talabalari va ishchi-xodimlari ishtirok etishdi.Mazkur seminar o’quv mashg’ulotida Rossiya Federasiyasi Kemerova viloyatidagi “Zimnaya vishnya” nomli 4-qavatli savdo majmuasida yong’in sodir bo’lib, 74 nafar fuqarolar, shundan 41 nafari yosh bolalar vafot etganligi holati yuzasidan Buxoro viloyat IIB YoXB bosh mutaxassisi leytenant R.Toirov axborot berib o’tdi hamda Buxoro shahar IIB YoXB inspektori serjant A.Saidov o’t o’chirish vositasi (ognetushitel)ni ishlatish bo’yicha amaliy o’quv mashg’uloti o’tkazdi.
