BuxDU rektorining 2018 yil 8 maydagi 362-U-sonli buyrug’iga asosan tuzilgan ishchi guruh 2018 yilning 25-29 iyun kunlari universitetda faoliyat olib borayotgan professor-o’qituvchilarning joriy o’quv yili yakunlari bo’yicha o’quv, o’quv-uslubiy, ilmiy, ilmiy-uslubiy, ma’naviy-ma’rifiy va boshqa sohalarda olib borgan ishlarini o’rganib chiqdi. Ishchi guruh professor-o’qituvchilar faoliyatiga baho berish jarayonida Oliy va o’rta maxsus ta’lim vazirligining 2015 yil 15 oktyabrdagi 399-sonli buyrug’i talablaridan kelib chiqib, 110 ballik baholash tizimidan foydalandi. Ishchi guruh va Ta’lim sifatini nazorat qilish bo’limi tomonidan universitet professor-o’qituvchilaridan 550 nafaridan ortig’ining o’quv yilidagi faoliyati o’rganib chiqildi va baholandi.Aksariyat pedagoglar o’quv yili bo’yicha rejalashtirilgan tadbirlarni ortig’i bilan amalga oshirgan. Mamlakatimizda ijtimoiy-iqtisodiy sohalarda amalga oshirilayotgan islohotlarni joylarda targ’ibot-tashviqot qilishda, bevosita amaliyotda qo’llashda universitet jamoasining ulkan hissa qo’shganini ko’rishimiz mumkin. Professor-o’qituvchilarning o’quv yili yakunlariga ko’ra faoliyatini baholashda ularning shaxsiy ish rejalarining bandlarida ko’rsatilganlardan tashqari amalga oshirgan ishlari ham inobatga olib o’rganildi. Pedagoglardan M.M.Jo’rayeva, Sh.R.Barotov, Sh.Sh.Olimov, D.S.O’rayeva, SH.N.Ahmedova, D.H.Quvvatova, N.J.Bekova, B.N.Navro’z-zoda, M.R.Amonov, S.S.Raupovlar yuqori ballarga ega bo’lishdi.Baholash natijalariga ko’ra, 12 nafar professor-o’qituvchilar a’lo ko’rsatkichlarga, ya’ni 80 balldan yuqori natijaga erishdi. Professor-o’qituvchilarning aksariyat qismi universitet Kengashi tomonidan quyi ball sifatida belgilangan 50 balldan yuqori natijalarga, ijobiy ko’rsatkichga erishganini alohida ta’kidlash zarur.Belgilangan 50 balldan past ko’rsatkichga ega bo’lgan 32 nafar professor-o’qituvchilar natijalari tahlil qilinganda, ularning kafedrada to’liq hissada ishlamasligi, ko’plari o’z faoliyatini mazkur o’quv yilida boshlagani, yosh mutaxassislar ekanligi aniqlandi.40 balldan past natijaga erishgan 16 nafar professor-o’qituvchilar ko’rsatkichlari tahlil qilinganda, bunda ham ularning barchasi to’liq hissada ishlamasligi, aksariyati 0,25 hissada ishlashi sabab bo’lmoqda.O’quv yili yakunlariga ko’ra past ko’rsatkichlarga erishgan professor-o’qituvchilar uchun universitet O’quv-uslubiy kengashining navbatdan tashqari kengaytirilgan yig’ilishida tushuntirishlar olib borildi. Yangi o’quv yilida samarali va natijador ishlashlari uchun tajribali professor-o’qituvchilar tomonidan tavsiyalar berildi. Kafedralar kesimida ularga “ustoz-shogird” tizimi bo’yicha tajribali professsor-o’qituvchilardan biriktirildi va nazorati fakultet dekanlari hamda kafedra mudirlariga topshirildi.
