Fan va ta’lim sohasiga bo’lgan e’tibor mamlakatning har jihatdan taraqqiylashib borishida xizmat qiladi. Bugungi kunda yurtimizda ko’plab sohalar qatori ilm-fan rivojiga ham alohida e’tibor qaratilmoqda. Bu borada qaror, farmon hamda qonunlar qabul qilinmoqda. Bu esa shubhasiz, soha mutaxassislarining mehnat faoliyatiga bo’lgan e’tiborning yana bir namunasidir.“Fan to’g’risida”gi O’zbekiston Respublikasi qonuni loyihasi ishlab chiqilgan bo’lib, ushbu qonun loyihasi muhokamasiga bag’ishlangan “Fan sohasining huquqiy asoslarini takomillashtirish istiqbollari” mavzusida davra suhbati tashkil etildi. Ushbu qonun loyihasi Buxoro Davlat Universitetida viloyatdagi barcha oliy ta’lim muassasalari professor-o’qituvchilarining muhokamasida bo’ldi.Tadbirni O’zbekiston “Adolat” SDP Buxoro viloyat Kengashi raisi Maqsud Hamidov kirish so’zi bilan ochib berdi.O’zbekiston Respublikasi Oliy Majlisi Qonunchilik palatasi deputati O’zbekiston “Adolat” SDP fraksiyasi a’zosi Qodir Jo’raev so’zga chiqib, “O’zbekiston Respublikasida ilm-fan sohasining huquqiy asoslari” mavzusida ma’ruza qildi. U o’z ma’ruzasida mamlakatimizda fanga bo’lgan e’tibor, xorij tajribasidan kelib chiqqan holda yaratilayotgan imkoniyatlar to’g’risida to’xtalib o’tdi. 1-1,5 yildan buyon ilm-fanga berilayotgan e’tiborning kuchayganligi, bu borada qator qaror va farmonlarning qabul qilinayotganligi xususida ham ta’kidladi. Shuningdek, mamlakat rahbarining 2016 yilda olimlar bilan bo’lib o’tgan uchrashuvi davomida ularning faoliyatini har tomonlama rivojlantirish, kuchaytirish, zamonaviy texnologiyalar, innovasion maktablarni tashkil etishga alohida to’xtalib o’tganligi deputat tomonidan ta’kidlanar ekan, ko’plab davlatlarda, xususan, AQSh, Rossiya, Qozog’iston hamda Osiyo mamlakatlarida “Fan” to’g’risidagi qonunning qabul qilinganligi borasida ham aytib o’tdi.[widgetkit id="3" name="qonun"]Qodir Jo’raev “Fan” to’g’risidagi qonun loyihasining 8 bob , 40 moddadan iborat ekanligi haqida ta’kidlar ekan, har bir modda nomi hamda mohiyatini tahlil qildi.O’zbekiston “Adolat” SDPning saylovoldi dasturida fanga alohida e’tibor qaratilgan. Innovasion texnologiyalarni yanada rivojlantirish, olimlarni, yosh olimlarning ijtimoiy faoliyatini muhofaza qilish, innovasiya va innovasion infratuzilmalarning yagona vakolatli organini ta’sis etish tarafdori ekanligi deputat tomonidan alohida e’tiborga olinib aytilar ekan, bu esa barcha yig’ilish qatnashchilarini fikrlashga, qonun loyihasini muhokama etib borish davomida taklif va tavsiyalarini bildirishga chaqirdi.Buxoro Davlat universiteti “Jismoniy madaniyat” fakulteti professori Hafiz Botirov ilmiy ish bilan mashg’ul o’qituvchilarning huquqiy himoyasini ta’minlash borasida o’z takliflarini kiritgan bo’lsa, “Iqtisod” kafedrasi dosenti Mahmud Oripov qonun nomiga o’zgartirish kiritish, uning moddalarida fan bilan shug’ullanuvchi mutaxassislarni chet ellarda malakasini oshirishni tashkil etish bilan bog’liq masalalarni inobatga olish, Iqtisod fanlari doktori, professor Baxtiyor Navro’z-zodalar esa qonunning bir qator moddalariga o’zgartirish kiritish bo’yicha o’z taklif va tavsiyalarini berishdi.Qonun loyihasi chuqur o’rganilgan holda muhokama qilinar ekan, deputat tomonidan barcha fikr va mulohazalar qayd etib borildi. Berilgan savollar javobsiz qoldirilmadi. Mohigul Abdullaeva,Partiyaning viloyat Kengashi matbuot kotibi
