O‘zbekiston Respublikasi Prezidentining 2017 yil 16 fevraldagi PRQ-2784- sonli qaroriga asosan Qishloq xo‘jaligi korxonalarini tarkibiy qayta tuzish agentligi tomonidan Xalqaro taraqqiyot uyushmasi ishtirokida “Orol dengizi havzasida iqlim o‘zgarishiga moslashish va uning oqibatlarini yumshatish dasturi” loyihasi amalga oshirilmoqda. Mazkur loyiha doirasida Qishloq xo‘jalik korxonalarini tarkibiy qayta tuzish agentligi tomonidan joriy yilda Buxoro davlat universiteti binosida tashkil etilgan besh kunlik seminarning birinchi kuni, ya‘ni 11 avgustda mutaxassislar tomonidan “Iqlim o‘zgarishi, uning ta‘sirini tushunish va xavfli oqibatlarini baholash, O‘zbekistonda iqlim o‘zgarishiga moslashish chora-tadbirlari va qo‘llash choralari, xorijiy tajriba, tender tenglik, bolalar va majburiy mehnat tashkilotining konventsiyalari va milliy qonunchilik” to‘g‘risida tushunchalar berildi. 13 avgust kuni esa ishtirokchilarga “Iqlim o‘zgarishlari ta‘sirini yumshatish uchun qayta tiklanuvchi energiya manbalari va energiya tejamkor texnologiyalarni amaliyotda qo‘llash imkoniyatlari to‘g‘risida ma‘lumotlar yetkazildi. 14 avgust kuni – Yerlarning meliorativ holatini yaxshilash va zamonaviy agrotexnologiya usullaridan foydalangan holda loyiha hududlarida suvlardan samarali foydalanish masalalari muhokama etildi. 15 avgustda “Qishloq xo‘jaligi ekinlari kasalliklarida va zararkunandalar bilan kurashishda zamonaviy usullarni qo‘llash, pestitsidlarni saqlash va qo‘llash xavfvsizligining ekologik asoslari” to‘g‘risida ma‘lumotlar berildi. Seminarning so‘nggi 16 avgust kunida esa “Loyiha doirasida kredit mablag‘larini olish tartiblari” to‘g‘risida tushunchalar berildi. O‘quv oxirida seminar ishtirokchilari har kunlik ma‘ruzalar joylashtirilgan fleshka va tarqatma materiallar bilan ta‘minlandi. Bunday amaliy ko‘mak ularning kelgusi faoliyatida as qotishi, yurtimiz ravnaqi va taraqqiyotiga katta hissa qo‘shishi shubhasiz. Mannon Otaboy BuxDU matbuot kotibi
