O’zbekiston Respublikasi Vazirlar Mahkamasining “O’zbekiston Respublikasi Oliy ta’lim tizimida magistratura faoliyatini yanada takomillashtirish, uning samaradorligini oshirish chora-tadbirlari to’g’risida”gi 2007 yil 10 sentyabrdagi 190-sonli Qarori va 2015 yil 2 martdagi 36-sonli Qarori bilan tasdiqlangan “Magistratura to’g’risida”gi Nizom ijrosini ta’minlash maqsadida magistratura talabasi faoliyati ustidan doimiy monitoring olib borish uchun Buxoro davlat universitetning 2018 yil 19 fevraldagi 117-U-sonli buyrug’iga asosan 26-30 mart kunlari barcha mutaxassisliklar bo’yicha 2-bosqich magistratura talabalarining magistrlik dissertasiya ishi bajarilishi yuzasidan monitoring tashkil etildi.Monitoring universitetning rektori t.f.d., prof. A.A. To’laganov raisligida, o’quv ishlari bo’yicha prorektor f-m.f.d., prof. D.Q. Durdiyev, ilmiy ishlar bo’yicha prorektor t.f.n., dos. K.A. Samiyev, o’quv-uslubiy boshqarma boshlig’i k.f.n., dos. M.Ya. Ergashov, Ta`lim sifatini nazorat qilish bo`limi boshlig`i i.f.n, dots. D.Yavmutov, Magistratura bo’limi boshlig’i iqtisodiyot fanlari bo’yicha falsafa doktori O.S. Qahhorov hamda jami 15 nafar tajribali professor-o’qituvchilar ishtirokida tashkil etildi. Monitoringda universitet rektori boshchiligida, ishchi guruh a’zolari tomonidan magistratura talabasining kalendar ish rejasi belgilangan muddatda bajarilishi, ikkita ilmiy maqola yoki Respublika shuningdek, xalqaro miqqiyosdagi ilmiy-anjumanlarda chop etilganligi, ilmiy seminarlarda ishtirok etganligi, mutaxassislik fanlari bo’yicha barcha o’quv fanlarini o’zlashtirishi, magistrlik dissertasiya ishi va taqdimoti bo’yicha baholandi va tavsiya etildi. Shuningdek, O’zbekiston Respublikasi Oliy va o’rta maxsus ta’lim vazirligi Apparati Kengashi yig’ilishi 39-son bayonining 4.1-bandi hamda universitet rektorining 2017 yil 11 noyabrdagi 688-U sonli buyrug’i 3-bandiga asosan magistratura talabalarining magistrlik dissertasiyalarida Web of Science, Scopus, Science Direct, Ebscs kabi ma’lumotlar bazasidan foydalanishlari bo’yicha tegishli topshiriq va ko’rsatmalar berildi. Monitoring davomida universitetning tajribali professor-o’qituvchilari magistratura talabalariga dastlabki himoyaga tayyorgarlik ko’rishlari uchun kerakli maslahat va tasviyalar berdilar.
