Buxoro davlat universiteti Qorako‘l akademik litseyi o‘quvchilari 2018 yil 9 fevral kuni Buxoro davlat universiteti o‘quv laboratoriyalarida bo’lishdi. Ular universitetning kimyo, biologiya, fizika laboratoriyalarida o‘zlarining yo‘nalishlarida olgan nazariy bilimlarini amaliy mashg’ulotlarda qo‘llashdi. Akademik litsey 3 ta yo‘nalish: aniq fanlar, tabiiy fanlar va ijtimoiy-gumanitar fanlarga ixtisoslashtirilgan bo‘lib, litseyning 3 ta kursida 450 nafar o‘quvchi tahsil oladi. O‘quvchilar laboratoriyalardagi amaliy mashg’ulotlar yordamida chuqurroq bilim olishlari bilan birgalikda, o‘zlarining qiziqtirgan savollariga universitetning professor-o‘qituvchilaridan etarlicha ma’lumot oldilar. Akademik litsey direktori G’.Jumaqulovning fikriga ko‘ra o‘quvchilarning Buxoro davlat universiteti o‘quv laboratoriyalarida bo‘lishi fanni chuqurroq o‘zlashtirishlari va oily o‘quv yurtiga kirish istagining ortishiga sabab bo‘ladi.
