Bugungi kunda yurtimizda turizmga berilayotgan e’tibor hosilasi o’laroq soha rivoji uchun juda ko’plab amaliy ishlar amalga oshirilmoqda. Buning yaqqol misoli sifatida O'zbekiston Respublikasi Prezidenti tomondan 2017 yil 19 may kuni 2017-2019 yillarda “Buxoro shahri va Buxoro viloyati sayyohlik salohiyatini jadal rivojlantirish chora-tadbirlari to'g'risida”gi 2980-sonli qaror qabul qilindi. Qarorda Buxoro shahri va Buxoro viloyati sayyohlik salohiyatini yanada rivojlantirish, sayyohlarning madaniy merosimizning noyob obyektlari bilan keng tanishishlari uchun maksimal qulay sharoitlarni yaratish, mintaqada zamonaviy sayyohlik infratuzilmasining jadal rivojlanishini ta’minlash, sayyohlik, mehmonxona va transport xizmatlarining zamonaviy talablarga muvofiq holda turlarini kengaytirish va sifatini yaxshilash maqsadida quyidagilarni amalga oshirish ko'zda tutilgan:- 2017-2019 yillarda Buxoro shahri va Buxoro viloyati sayyohlik salohiyatini jadal rivojlantirish dasturini tasdiqlash va uning quyidagi ustuvor yo'nalishlar bo'yicha amalga oshirilishini samarali tashkillashtirilishini ta`minlash: - yangi mehmonxonalar, madaniy-sog'lomlashtirish va savdo-ko'ngilochar markazlari, sayyohlikni rivojlantirish uchun zarur sharoitlar yaratish bilan sayyohlik infratuzilmasining boshqa ob`yektlarini qurish; - umumiy ovqatlanish tizimini takomillashtirish va sayyohlarning kechki hordiqlari uchun sharoitlar yaaratish;- transport xizmatini yaxshilash, avia- va temir yo'l infratuzilmasini rivojlantirish, Buxoro shahrining tarixiy qismi atrofida sayyohlarga xizmat ko'rsatuvchi maxsus kompaniya yaratish, sayohatchilarga namoyish qilinadigan ob`yektlarga olib boruvchi avtomobil yo'llarini qurish va rekonstruksiya qilish;- Buxoro shahri hududini obodonlashtirish, valyuta ayirboshlash punktlarini tashkillashtirish, sayyohlik infratuzilmasi ob`yektlarida banknomatlar va terminallar o'rnatish, sovg'alar va suvenirlar do'konlari joylashadigan yangi savdo ko'chasini yaratish, sayyohlar to'planadigan gavjum joylarda Wi-Fi-hududlarini yaratish; - Buxoro brendini reklama kampaniyasi va turli festivallar o'tkazish hisobiga ilgari surish; - Buxoro shahri va Buxoro viloyati sayyohlik sohasi uchun kadrlar tayyorlashni ta`minlash;- yangi sayyohlik yo'nalishlarini yaratish va sayyohlikning yangi turlarini rivojlantirish;- 2017-2021 yillarda sayyohlik xizmatlari hajmining 2,1 barobarga o'sishini, sayyohlar sonining 1,9 barobarga oshishini ta`minlash va boshqa chora-tadbirlar.Shuningdek BMT tomonidan 2017-yilni “Barqaror turizmni rivojlantirish yili (Year of Sustainable tourism)” deb e’lon qilinishi butun jahonda sohani yuksakka ko’tarish uchun qo’yilgan muhim qadamlardan biri desak ham bo’ladi. Shu munosabat bilan 2017-yil 27-sentyabr “Xalqaro turizm kuni” munosabati bilan Buxoro Davlat Universiteti “Turizm” fakulteti “Turizm” kafedrasida “Turizm-bu bizning kelajagimiz” shiori ostida “Turizm” kafedrasi guruhlari va Turizm fakulteti yoshlar ittifoqi yetakchisi tashkilotchiligi ostida kichik yarmarka o’tkaziladi. Ushbu yarmarkaning birinchi marta o’tkazilayotganini e’tiborga olib, guruhlar tanlagan mavzu erkin sanaladi. Yarmarkadan asosiy maqsad milliy va xalqaro taomlar ko’rgazmasini, hamda milliyligimizni o’zida aks ettiradigan va sayyohlarni jalb qiladigan suvinerlarning taqdimoti kabilarni o’tkazish rejalashtirilgan.
