2017 yil 16 iyun kuni Buxoro davlat universitetida O'zbekiston Respublikasi Oliy va O'rta maxsus ta'lim vazirligi, Kasb-hunar ta'limi boshqarmasi Buxoro viloyat hokimligi bilan hamkorlikda “Ochiq eshiklar kuni” o'tkazildi. Unda Buxoro davlat universiteti rektori, prorektorlar, bo'lim boshliqlari, viloyatdagi OTM rektor va prorektorlari, Buxoro viloyati hokimligi tasarrufidagi o'rta maxsus kasb-hunar ta'limi boshqarmasi boshlig'i H.Qobilov, shuningdek qator mutasaddi tashkilot rahbarlari, shuningdek, viloyatdagi 576 ta AL va KHK bitiruvchilari ishtirok etdi.Tadbirda Buxoro viloyat hokimi o'rinbosari J.Sh.Nosirov, so'zga chiqib, hozirgi paytda davr bizning oldimizga qo'yayotgan yuksak talablarga javob berishga qodir bo'lib yashash, turli-tuman murakkab muammolarni o'z vaqtida va oqilona yechish uchun albatta zamonaviy bilim va tafakkur suv bilan havodek zarurligi, bugungi kunda yurtimizda yoshlarga juda katta imkoniyatlar, shart-sharoitlar yaratib berilganini ta'kidlab o'tdi. Universitet rektori A.A.To'laganov ham hozirgi kunda yurtimizda yorug' kelajakni o'ylab, qat'iyat va izchillik bilan amalga oshirilayotgan yangilanishlar, shu jumladan, ta'lim-tarbiya sohasini tubdan o'zgartirish va samarasini oshirish bo'yicha qabul qilingan umummilliy dasturlarimiz, millionlab farzandlarimizning zamon talablariga javob beradigan, jahon andozalari darajasida jihozlangan, yangicha qiyofa kasb etib borayotgan maktablarda, ilg'or ta'lim standartlari asosida, hech kimdan kam bo'lmagan sharoitda bilim va tarbiya olish imkoniyati mavjudligini ta'kidlab: “Sizlarni universitetimizda ko'rganimizdan bag'oyat xursandmiz, universitetimiz talabalari bo'lganingizda ham xuddi shunday diydorlashish nasib qilishini tilab qolamiz”, - deya yoshlarga omad tiladi.{flike}
