26-oktyabr kuni Buxoro davlat universiteti Tabiiy fanlar va agrobiotexnologiya fakulteti hududida talabalar turar joyining ochilish marosimi bo'lib o'tdi.
BuxDU rektori Obidjon Xamidov so'zga chiqib, talaba-yoshlarni qo‘llab-quvvatlash, ularning ijtimoiy muhofazasini kuchaytirish, ayniqsa, yashash sharoitlarini yaxshilash, turar-joy bilan ta’minlash bo‘yicha keng ko‘lamli ishlar olib borilayotganini ta'kidladi.
Mazkur yotoqxonada talabalar uchun barcha qulayliklar muhayyo qilingan. Qishki mavsum uchun alohida isitish qozonxonasiga ega yotoqxona binosi zarur qattiq va yumshoq mebel bilan jihozlangan.
Bu ko‘rkam inshootda bo‘lg‘usi yosh mutaxassislar uchun ma’naviyat-ma’rifat xonalari, internet va kompyuter xonalari, har bir qavatda ikkitadan oshxona, kir yuvish xonasi, dazmollash xonalari shay qilingan.
BuxDU Axborot xizmati
