Oldin xabar berganimizdek, respublikamizdagi barcha oliy ta`lim dargohlarida bitiruvchi talaba hamda magistrlarga diplom topshirish marosimlari bo`lib o`tmoqda.
Kuni kecha ham, ushbu tadbirlarni davomi sifatida G‘ijduvon tumani hokimligi binosi oldida Buxoro davlat universitetini 2023/2024-o‘quv yilida sirtqi ta`lim shaklida tugatayotgan bakalavr talaba yoshlarga diplom topshirish marosimi o’tkazildi. Ushbu marosimda G‘ijduvon tumani hokimi Sherzod Ashurov, Buxoro davlat universiteti rektori Obidjon Xamidov, tuman Nuroniy jamg‘armasi faollari, deputatlar, bitiruvchi talabalar hamda ularning ota-onalari, oila a’zolari ishtirok etishdi. Ushbu tadbirni kirish so’zi bilan Buxoro davlat universiteti rektori Obidjon Xamidov ochib berib bitiruvchi talaba yoshlarga kelgusidagi ishlariga muvaffaqiyat tiladi. Shuningdek, G‘ijduvon tumani hokimi Sherzod Ashurov ham so’zga chiqib bitiruvchi talaba yoshlar endilikda G‘ijduvon tumanining ijtimoiy-iqtisodiy rivojlanishida, aholini ijtimoiy himoya qilishda, tuman aholisining ta`lim tizimidagi o’rnini oshirishda talaba yoshlarning o’rni beqiyos ekanligini ta`kidladi. Tadbir dasturi davomida sirtqi ta`lim shaklida tahsil olib tugatgan bitiruvchi talaba yoshlarni birma bir sahnaga chaqirib ularga diplom berish marosimi o’tkazildi. Tadbir davomida bitiruvchi talaba yoshlarga hamda ularning yaqinlari uchun konsert dasturi tashkil etildi.
BuxDU Matbuot xizmati
