Universitet rektori O.X.Xamidov boshchiligida universitet qo‘shma taʼlim dasturlari bo‘lim boshlig‘i O.H.Rahimov, Xorijiy tillar fakulteti dekani N.B.Ataboyev, Ingliz tilshunosligi kafedra mudiri Z.I.Rasulov ishtirokida hamda Vebster universiteti tomonidan Rasul Raxmonov – Vebster universiteti ta’lim dasturlarini amalga oshirish markazi direktori, Sherzod Mamatov – birinchi prorektor, Anthony Jarvis - o‘quv ishlari o‘rinbosari, Abdurahim Tojiboyev - o‘quv jarayoni taʼminoti bo‘limi boshlig‘i, Oybek Imomov– MA TESOL dasturi rahbarilari ishtirokida ZOOM platformasi orqali uchrashuv tashkil etildi.
Uchrashuv davomida Buxoro davlat universiteti bilan hamkorlikda MBA (Master of Business Administration) va TESOL dasturi magistratura mutaxassisliklari doirasida qo‘shma taʼlim dasturlarini ishlab chiqish va yo‘lga qo‘yish vazifalari ko‘rib chiqildi.
Uchrashuv davomida hozirgi kunda yuqoridagi ikki mutaxassisliklarda o‘qish uchun talab yuqori ekanligi. Ikki tomonlama hamkorlikda yuqori sifatli kadrlar tayyorlash imkoniyati kengligi universitet rektori O.X.Xamidov tomonidan taʼkidlab o‘tildi. O‘z navbatida hamkorlar tomonidan ushbu fikrlar qo‘llab quvvatlanib, ishlarni amalga oshirish uchun ikki tomondan ishchi guruh shakllantirish va kelgusi uchrashuvlarni belgilab olish taklif qilindi.
Uchrashuv so‘ngida ikki tomonlama masʼullarni belgilash va dasturlarini tashkil etish bilan bo‘gliq jarayonlarni muhokama qilishga kelishib olindi.
