O'zbekistonda ta'lim sohasida amalga oshirilayotgan islohotlar bilan tanishish, ta'lim xodimlarining ijtimoiy iqtisodiy himoyasi, kasaba uyushmalarining ta'lim manfaatlarini ilgari surish uchun mo'ljallangan loyiha va dasturlarni ishlab chiqish va amalga oshirishda ko’maklashish, mustaqil va demokratik ta'lim uyushmalari rivojlanishini rag'batlantirish, kasaba uyushmalarida ta'limga oid masalalar yondashuvlarni aniqlash, shuningdek, ushbu yondashuvlarni amalga oshirish yordam berish maqsadida yurtimizda bo’lib turgan xalqaro ta'lim kasaba uyushmalari Yevropa qo‘mitasi direktori Syuzen Floken, qo 'mita koordinatori Yekaterina Yefrimenko hamda
O 'zbekiston ta 'lim va fan xodimlari respublika kengashi raisi R. Bedilovlar Buxoro davlat universitetiga tashrif buyurishdi.
Tashrif davomida mehmonlar yuqoridagi masalalar boyicha Buxoro davlat universiteti rektori Obidjon Xamidov va kasaba uyushma qo’mitasi vakillari bilan fikr alamashishdi va istiqboldagi hamkorlik yo'nalishlari belgilab olindi.
Ma’lumot o`rnida aytish joizki, ETUCE 51 ta davlatdagi 127 ta taʼlim kasaba uyushmalarini birlashtiruvchi federatsiya hisoblanadi. Tashkilot Yevropa bo'ylab 11 million a'zoga ega. ETUCE Yevropa darajasidagi oʻqituvchilar va taʼlim xodimlarining ijtimoiy hamkori hisoblanadi. Qo`mita Yevropa Komissiyasi va boshqa Yevropa tuzilmalari oldida o'qituvchilar manfaatlarini himoya qiladi.
