Bugun Kurchatov instituti direktorining birinchi o‘rinbosari Dyakova Yuliya Alekseevna (ДЬЯКОВА Юлия Алексеевна) boshchiligidagi 5 nafar olimlardan iborat delegatsiya universitet rektor O.X.Xamidov rahbarligida Xalqaro hamkorlik bo‘yicha prorektor A.T.Jo‘rayev hamda Arxeologiya, Biologiya, Fizika, Kimyo kafedralari professor-o‘qituvchilari tomonidan kutib olindi.
Uchrashuv davra suhbati shaklida o‘tib, mehmonlar tomonidan Rossiya Federatsiyasi Milliy tadqiqot markazi va unda olib borilayotgan kimyo, fizika, biologiya, arxeologiya fan doirasidagi tadqiqotlar, mavjud labaratoriyalar bilan tanishtirildi. Tanishtirish jarayonida universitet olimlari bilan yuqoridagi fan sohalari doirasida hamkorlik qilish, Kurchatov instituti labaratoriyalarida izlanishlar olib borish imkoniyatini tashkil qilish masalalari muhokama qilindi.
Davra suhbati so‘ngida universitet olimlaridan iborat delegatsiyani o‘quv yili davomida ilmiy tadqiqotlarni olib borish maqsadida “Kurchatov instituti” ga jo‘natish masalasi kelishildi.
