Delegatsiyani fond direktori Nilxonim va boshqa mutasaddilar samimiy ruhda kutib oldilar. Tashrif davomida delegatsiya ushbu fondda saqlanayotgan nodir qo’yozmalar ularning saqlanishi, restavratsiya qilish jarayonlari hamda raqamlashtirish ishlarini ko’zdan kechirdilar.
Buxoro davlat universiteti delegatsiyasi RAMI qo’lyozmalar fondi tajribasini o’rganish, restavratsiya va raqamlashtirish bo’yicha mutaxassislarni stajirovkaga yuborish, Buxoroda RAMI qo’lyozmalar fondining ko’rgazmasini tashkil qilish kelishuviga erishdi. Buxoroda mavjud qo’lyozmalarni asrash, tiklash bo’yicha amaliy hamkorlik qilish masalalari muhokama qilindi va takliflar, tavsiyalar ilgari surildi.
Istanbulning Ayyub Sulton mavzesida joylashgan Rami kutubxonasi XVIII asrdagi sobiq Rami kazarmasida joylashgan. Asl tuzilma va materiallar asosida amalga oshirilgan ta'mirlash, qurilish va qayta tiklash ishlaridan so'ng, Rami kutubxonasi "Istanbuldagi eng katta kutubxona" ga aylandi va Yevropaning o'ziga xos xususiyatlariga ega sanoqli yetakchi kutubxonalar qatoriga kirdi.
BuxDU Matbuot xizmati