Universitet rektori Obidjon Xamidov boshchiligidagi Buxoro davlat universiteti delegatsiyasi Sankt-Peterburgga tashrif buyurdi. Tashrif doirasida 8 avgust kuni Sankt-Peterburg davlat iqtisodiyot universitetida universitet vakillari bilan uchrashuv bo‘lib o‘tdi.
BuxDU hamkasblarining tashrifidan maqsad qo‘shma ta’lim dasturlarini ishlab chiqish, Sankt-Peterburg davlat iqtisodiyot universiteti olimlari bilan ilmiy hamkorlik qilish, qo‘shma ilmiy-tadqiqot ishlarini olib borishdan iborat.
Delegatsiyani Sankt-Peterburg davlat iqtisodiyot universitetining o‘quv jarayonini tashkil etish bo‘yicha prorektori Yuliya Malevich, iqtisod va moliya bo‘yicha prorektori Maksim Legashov, Xalqaro iqtisodiyot va siyosat instituti direktori Marina Utevskaya qabul qildi.