Buxoro davlat universiteti katta faollar zalida Qorovulbozor tuman hokimi Ostonov Akmal Anvarovich va Buxoro viloyat OTM bakalavr ta’lim yoʻnalishlari va magsitratura mutaxassisliklari bitiruvchilari ishtirokida “Tuman hokimi va yoshlar uchrashuvi” boʻlib oʻtdi. Tadbirda Buxoro davlat universitetidan 23 nafar, Buxoro Muhandislik texnologiyalari institutidan 2 nafar, Buxoro davlat Pedagogika institutidan 3 nafar bitiruvchi ishtirok etdi.
Tadbirni universitet rektori Obidjon Xamidov ochib berdi va ishtirokchilardan ushbu imkoniyatdan maksimal foydalanishi, har qanday savol yoki murojaatlar boʻlsa bemalol tortinmasdan berishini, barchasi joyida yoki mas’ullar ishtirokida tuman miqyosida hal etilishini bildirib navbatni tuman hokimiga berdi.
Tuman hokimi soʻzga chiqib, maktab va maktabgacha ta’lim sohasida, tibbiyot sohasi, energetika va qurilish sohasi va sport sohalari kesimida vakant ish oʻrinlari mavjudligini bildirib, kimda qanday murojaat boʻlsa bildirishini aytdi va so’zni talabalarga berdi. Bunda,
“Xorijiy til: ingliz tili” yoʻnalishi 3-bosqich bitiruvchisi yosh oila ekanligini, bir yoshga toʻlmagan farzandi borligini, yaqinda til sertifikati olish uchun imtihon topshirishini, oʻz yoʻnalishi boʻyicha ish topishga koʻmaklashishlarini soʻradi. Tuman hokimi tomonidan murojaatga javoban tuman markazidagi maktablardan biriga ishga qabul qilinishi bildirildi;
“Axborot tizimlari va texnologiyalari” magistratura mutaxassisligi 2-bosqich bitiruvchisi Qahhorova Maftuna tumanda oilaviy xususiy maktab qurayotganligini, sentyabr oyida qurilish ishlari yakunlanib, ishga tushirilishini ma’lum qilib, jihozlar bilan ta’minlashda amaliy yordam soʻradi. Tuman hokimining Yoshlar ishlari boʻyicha oʻrinbosari maktab qurilishi belgilangan talablarga javob bermaganligi sababli Maktabgacha va maktab ta’limi huzuridagi inspeksiya litsenziya berishdan bosh tortganligini ma’lum qilib shu litsenziya olinsa tuman hokimligi tomonidan jihozlash ishlariga albatta yordam berilishi aytildi. Bitiruvchisi Qahhorova Maftuna agentlik talablari nimalardan iboratligini bilib berishsa bino qurilishiga tuzatish kiritishini ma’lum qildi. Tuman hokimi qurilishga tuzatish kiritilsa litsenziya olib berilishini shundan soʻng jihozlash ishlari mamalga oshirilishini ma’lum qildi;
Universitetning “Maktabgacha ta’lim” yoʻnalishi bitiruvchilaridan tuman markazidagi 2-DMTTga Rajabova Ruxsora, 5-MTTga Shavkatova Manzura, “Boʻston” MFY hududidagi MTTga Tojiyeva Oʻgʻiloy ishga qabul qilindi;
“Boshlangʻich ta’lim” yoʻnalishi bitiruvchisi Rustamova Gulchehra oʻz yoʻnalishida ish soʻrab murojaat qildi. Tuman maktab va maktangacha ta’lim boʻlimi boshligʻi tuman markazida ish oʻrni mavjud emasligini, lekin chekka hududlarda vakant ish oʻrinlari borligini ma’qul kelsa shu joylardan biriga ishga olinishini, ertaga boʻlimga tashrif buyurishini aytdi;
Buxoro Muhandislik texnologiyalari instituti “Neft va gaz sanoati” yoʻnalishi 4-bosqich talabasi Navroʻzboyev Javohir oʻz yoʻnalishida tumandagi neft-gaz korxonalaridan biriga ishga joylashmoqchiligini ma’lum qilib amaliy yordam soʻradi. Tuman hokimi mavjud neft va gaz sanoati korxonalari bilan kelishuv borligini, agar vakant oʻrinlar boʻlsa ishga joylashtirilishini bildirdi;
“Maktabgacha ta’lim” yoʻnalishi talabasi tomonidan tuman hokimi tashabbusi bilan magistraturaga maqsadli qabul kvotalari ajratishni soʻradi.
Talabalardan tashqari oʻqituvchilar, fakultet dekanlari va kafedra mudirlari tomonidan takliflar bildirilib bu takliflar tuman hokimi tomonidan ma’qullandi. Xususan, Buxoro davlat universiteti “Sport nazariyasi va metodikasi” kafedrasi mudiri Shukurov Rahim tomonidan Qorovulbozor tumanida sport ustalari, turli musobaqa gʻolib va sovrindorlari koʻpligi, bundan tashqari qorovulbozorlik yoshlarni sportga qamrab olish maqsadida tuman markaziga yoki odam gavjum joyda istisoslashtirilgan sport maktab-internati qurish taklifini berdi.
“Agronomiya va biotexnologiya” fakulteti dekani Artikova Hafiza tomonidan tadqiqotlar natijasida tumanda yangi tupro tipi topilganligini, shu natijani xalqaro tuproq tipi klassifikatoriga kiritishda amaliy yordam va tumandagi tuproq muammolari yuzasidan xalqaro loyihani amalga oshirishda hamkorlik oʻrnatishni taklif qildi. Shuningdek, Buxoro davlat Tibbiyot instituti Marketing boʻlimi boshligʻi qorovulbozorlik 1 nafar bitiruvchi borligini, ammo, boshqa hududlardan tumanda ishlayman degan Stomatologiya yoʻnalishi bitiruvchilarni tumanda ishga qabul qilish taklifini bildirdi.
Tuman hokimi tomonidan tumanda energiya resusrlari uzulishsiz ishlashi munosabati bilan tadbirkorlik faoliyatini yoʻlga qoʻymoqchi boʻlgan bitiruvchilar bemalol ish boshlashlari mumkinligini, moddiy jihatdan hokimlik qoʻllab-quvvatlashini ma’lum qildi.
