2023 yilning 17 may kuni Oliy ta’lim, fan va innovasiyalar Vazirligining 2/12-4/4-1054 sonli xatiga asosan Buxoro davlat universiteti rektori Obidjon Xamidov Rossiya Federasiyasi Qozon shaxriga xizmat safari bilan bo‘lib, Qozon federal universiteti talabalari uchun rektor ma’ruzasini o‘qidi.
Dastlab Qozon federal universiteti rahbariyati bilan uchrashib hamkorlik aloqalarini yanada kengaytirish masalalari bo‘yicha chora-tadbirlar rejasi ishlab chiqildi. Universitet rektori Obidjon Xamidov Kazan federal universitetining Boshqaruv, iqtisodiyot va moliya instituti turizm ta’lim yo‘nalishi talabalari uchun Xalqaro turizm fani doirasida “O‘zbekistonning turizm salohiyati va uni samarali rivojlantirishning yo‘llari” mavzusida ma’ruza o‘qidi. Ushbu ma’ruzada universitet raxbariyati, professor-o‘qituvchilari, 40 nafar talaba yoshlari ishtirok etishdi. Rektor o‘z nutqida O‘zbekiston oliy ta’lim sohasida amalga oshirilayotgan islohotlar, qurilayotgan yangi kampuslar, talabalar bilimini oshirishda va ta’lim sifatini oshirishda xorijiy texnologiyalarini jalb qilish holati bo‘yicha ma’lumot berib o‘tdi. Qozon federal universiteti hamda Buxoro davlat universiteti o‘rtasida imzolangan hamkorlik shartnomasi asosida xar yili 20 nafar professor-o‘qituvchilar ilmiy stajirovka o‘tab kelmoqdalar.
