Avval xabar berganimizdek, #Buxoro_davlat_universiteti Xorijiy tillar fakulteti gid hamrohligi va tarjimonlik faoliyati (tillar bo'yicha) mutaxassisligining bir guruh talabalari Buxoro Xalqaro aeroportida amaliyot o`tashmoqda.
BuxDU rektori Obidjon Xamidov talabalar amaliyoti qay tarzda olib borilayotganligini bilish hamda yoshlar bilan taassurotlari xususida suhbatlashish maqsadida Buxoro Xalqaro aeroportida bo`ldi. Shuningdek, ushbu yo`nalish talabalariga xorijiy tillarni o`qitish masalasida Spin-off unitar korxonasi dars berishiga kelishib olindi.
Ikki hafta uchun rejalashtirilgan malakaviy amaliyotning dastlabki haftasida gid hamrohligi va tarjimonlik faoliyati yo'nalishi talabalari aeroportdagi barcha xizmat ko`rsatish nuqtalariga biriktirilgan. Xususan ro`yxatga olish, mehmonlarni kutib olish, ma'lumot berish va jo`natish, kassa bo`limlarida xodimlarning faoliyatini o`rganishmoqda. Qolaversa, Buxoroga tashrif buyurayotgan sayyohlardan xizmatlardan qoniqish darajasini bilish maqsadida so`rovnomalar o`tkazishmoqda.
