Filologiya fanlari doktori, professor Rajabov Dilshod Zaripovich Buxoro davlat universitetining Filologiya fakultetining O'zbek tilshunosligi va jurnalistika kafedrasi mudiri lavozimiga tayinlandi.
Buxoro davlat universiteti kuzatuv kengashining qaroriga asosan Filologiya fanlari doktori, professor Rajabov Dilshod Zaripovich Buxoro davlat universitetining Filologiya fakultetining O'zbek tilshunosligi va jurnalistika kafedrasi mudiri lavozimiga tayinlandi.
Rajabov Dilshod Zaripovich 1972-yilda Buxoro viloyati Shofirkon tumanida tugʼilgan. 1994-1995 yillar Shofirkon tumanidagi Alisher Navoiy nomli 4-son umumta’lim maktabida ona tili va adabiyot fani o‘qituvchisi sifatida faoliyat olib borgan.
1994-yil Samarqand davlat universitetini imtiyozli diplom bilan tugatgan. 1995-yildan Buxoro davlat universiteti Filologiya fakulteti “Folklor va yangi o‘zbek adbiyoti” kafedrasi aspiranti sifatida faoliyatini boshlagan. 1999-yilda O‘zR FA Alisher Navoiy nomidagi til va adabiyot institutida nomzodlik dissertatsiyasini himoya qilgan. 2019-yilda O‘zbekiston Fanlar akademiyasi O‘zbek tili, adabiyoti va folklori instituti huzuridagi ilmiy darajalar beruvchi Ilmiy kengashda fan doktori (DSc) ilmiy darajasini olish uchun yozilgan tadqiqotini himoya qilgan.
1995-2022-yillarda Buxoro davlat universiteti o‘zbek tili va adabiyoti kafedrasi dotsenti lavozimida, shuningdek, bugunga qadar Filologiya fakulteti dekani lavozimida faoliyat yuritgan.
