Bugun, Oliy taʼlim, fan va innovatsiyalar vazirligi huzuridagi Innovatsion rivojlanish agentligi direktori Olimjon Toʻychiyev "Bukhara Varnet" MChJ xorijiy issiqxona xoʼjaligiga tashrif buyurdi. Tashrifdan asosiy maqsad Buxoro davlat universiteti tomonidan amalga oshirilayotgan dual ta`lim shart-sharoitlari bilan yaqindan tanishish.
Hozirgi kunda Varnet zamonaviy agrosanoat majmuasiga aylanmoqda. «Buxoro Varnet» korxonasi ko‘plab imkoniyatlar samarasiga aylanmoqda. Loyihaning umumiy qiymati 120 million dollardan ziyod bo‘lib, bu mablag‘ning hammasini to‘g‘ridan-to‘g‘ri xorijiy sarmoyalar tashkil etadi. Bugungi kungacha 10 million dollar tashqi investisiya o‘zlashtirilib, 13 gektar maydonda issiqxona qurib bitkazildi, 260 dan ortiq ish o‘rni yaratildi. O‘tgan yili qariyb 20 milliard so‘mlik mahsulot yetishtirilib, 1 million dollarlik eksport qilingan. Joriy yilda 26 million dollarlik to‘g‘ridan-to‘g‘ri xorijiy investisiya jalb qilinishi rejalashtirilgan.
