Joriy yilning 5 yanvar kuni Buxoro davlat universitetida Buxoro tumanidagi maktablarning 5-6-7-8-sinf o’quvchilari o’rtasida Matematika fanidan Buxoro tumani “Hokim kubogi” olimpiadasi o’tkazildi.
Olimpiadada tumanning 644 nafar o’quvchi yoshlari o’z bilimlarini sinovdan o’tkazdilar. Mazkur tadbir o’quvchilarning qishki ta’til davrini sermazmun o’tkazish, maktab oliy ta’lim hamkorligini yo’lga qo’yish hamda iqtidorli yoshlarni saralash va qo’llab-quvvatlash bo’yicha olib borilayotgan islohotlarning mantiqiy davomidir.
“Hokim kubogi” fan olimpiadalari 6-8 yanvar kunlari ona tili, O’zbekiston tarixi va ingliz tili fanlari kesimida davom ettiriladi.
