Bugun Prezident ta'lim muassasalari agentligi Buxoro viloyati hududiy bo'limi boshlig'i Shadmanov Istam Uktamovich Buxoro davlat universitetida bo`ldi. Universitet rektori Obidjon Xamidov bilan o`zaro samimiy suhbatdan so`ng Prezident ta’lim muassasalari agentligining Buxoro viloyati hududiy bo‘limi hamda Buxoro davlat universiteti o‘rtasida kasbga yo‘naltirish va amaliy mashg‘ulot sohasida o‘zaro hamkorlik memorandumi imzolandi.
Kadrlar tayyorlash va ilm-fan natijalaridan foydalanishda ta’lim, ilm-fan va ishlab chiqarish sohalari o‘rtasida o‘zaro yaqin muloqot va hamkorlikni yo‘lga qo‘yish, yuqori sinf o‘quvchilari va o‘qituvchilariga mahorat darslari, seminar-treninglar o‘tkazish tartibini joriy etish maqsadida imzolangan memorandum Iqtidorli o‘quvchilar va o‘qituvchilarning intellektual, ilmiy va ijodiy salohiyatini ochib berish va ular uchun shart-sharoitlar yaratish, ularning tabiiy va aniq fanlarni chuqur o‘rganishi, muhandislik va axborot texnologiyalarini o‘zlashtirishini tashkil qilish hamda innovatsion g‘oyalari va ishlanmalarini rivojlantirish uchun zarur choralar ko`rish, kasb-hunarga yo‘naltirish, olingan bilim va ko‘nikmalarni amaliyotda qo‘llash, umumta’lim fanlari bo‘yicha xalqaro olimpiadalar, tanlovlar va musobaqalarda munosib ishtirokini ta’minlash va ularni rag‘batlantirib borish, sohada to‘plangan tajribalardan nazariy va amaliy bilimlarni o‘quvchi va talabalarga yetkazish, Prezident ta’lim muassasalari tasarrufidagi ta’lim muassasalarida qisqa muddatli o‘qitish yoki ma’ruzalar kurslari, kasbiy seminarlar, biznes o‘yinlar, treninglar, ilm-fan bo‘yicha mahorat darslarini tashkil etish, ishlab chiqarish korxonalarida ekskursiya, amaliyot va stajirovkalarini tashkil etishga ko‘maklashish, mutaxassislar almashinuvi, qo‘shma ilmiy-tadqiqot loyihalarni amalga oshirish, Respublika va xalqaro anjumanlar, simpoziumlar, davra suhbatlari tashkil etishda ko‘maklashishni ko`zlagan.
