Yurtimizda yoshlarning iqtidorini qadrlash va yanada kuchaytirish, mavjud iste’dodidan unumli foydalanish eng muhim maqsadlaridan biri hisoblanadi. Xususan talabalar o’rtasida turli xil tanlovlarning tashkil etilishi mazkur maqsadning amaldagi isbotidir.Joriy yilning 1-2 may kunlari Toshkent shahrida oliy ta’lim muassasalari talabalari o’rtasida o’tkazilgan “Ertangi kun bizniki, marra bizniki” shiori ostida tashkil etilgan tanlovning respublika bosqichida Buxoro davlat universiteti nomidan ishtirok etgan talabalarimiz kutilgan yuqori natijalar bilan qaytishdi.“Xizmatlar sohasi” bo’yicha Rasulova Dilbar birinchi darajali diplom hamda 600 000 so’m pul yutug’i, “Ijtimoiy gumanitar” soha bo’yicha qatnashgan Ibragimov Samandar esa maxsus sertifikat bilan taqdirlandi.Universitetimiz nufuzini munosib himoya qilgan talabalarimizning bundan keyingi faoliyatlariga rivoj tilab, yanada ulkan yutuqlarni ulardan kutib qolamiz!
