O’zaro hamkorlikni yo’lga qo’yish va rivojlantirish uchun bugun universitetga Belorus Respublikasining ilg’or OTMlaridan biri Belorusya milliy texnika universiteti (BNTU) delegatsiyasi tashrif buyurdi. Tashrifga BNTU rektori Xaritonchik Sergey Vasilevich boshchilik qildi. Delegatsiya a’zolarini universitet rektori O.X. Xamidov, Axborot texnologiyalari fakulteti dekani H.I.Eshonqulov va Iqtisodiyot va turizm fakulteti dekani D.SH.Yavmutov, Xalqaro hamkorlik bo’lim boshlig’i M.H.Qilichovlar tomonidan kutib olindi.
O’zaro hamkorlikni rivojlantirishga doir kechgan uchrashuvda tomonlar professor-o’qituvchilar, talabalar almashinuvini yo’lga qo’yish, bunda asosiy e’tiborda ikki tomonga ham muvofiq keluvchi IT va iqtisodiyot sohlarida keng rivojlantirish maqsadga muvofiqligi belgilandi. Shuningdek, hamkorlikda konferensiya, ilmiy-tadqiqot loyihalarini rivojlantirish, xalqaro grantlar doirasida hamkorlik qilish masalalari muhokama qilindi.
Delegatsiya a’zolari universitet Axborot texnologiyalari fakulteti bilan tanishib chiqdi.
Yakunda, ikki tomonlama hamkorlik shartnomasi imzolandi.
Ma’lumot uchun: BNTU “QS xalqaro universitetlar reytingi”da 751-800 o’rinda turadi.
