Bugun, 13-may kuni Turkiyaning Nejmettin Erbakan universiteti rektori janob Jem Zorlu Buxoro davlat universitetiga tashrif buyurdi.
Janob rektorning universitetga tashrifi davrida Rektor O.X. Xamidov va xalqaro hamkorlik bo’yicha prorektor A.T.Jurayev, universitet huzuridagi Pedagogika instituti direktori M.I.Daminovlar kutib oldi.
O’zaro hamkorlik uchrashuvini rivojlantirish maqsadida o’tkazilgan uchrashuvda hozirga davrga qadar amalga oshirilgan hamkorlik masalalari muhokama qilindi. Ma’lumot uchun Nejmettin Erbakan universiteti bilan hamkorlik shartnomasi 2018-yilning 16-noyabrda imzolangan.
Kelgusida shartnomaga oid barcha yo’nalishlarda ish faoliyatini yanada rivojlantirish, talaba va professor-o’qituvchilar almashinuvini yo’lga qo’yish kabilar kelishildi.
Janob Jem Zorlu tashrif davomida universitet infrastrukturasi va unda talaba va professor-o’qituvchilar uchun yaratilgan sharoitlar bilan tanishdi.
