Joriy yilning 23-oktabr kuni Isroil sobiq fan va texnologiyalar vaziri Izhar Shay va uning rafiqasi Xilla Rut Shay Buxoro viloyatiga tashrif buyurdi. Ularni Buxoro davlat universiteti xalqaro hamkorlik bo'yicha prorektor Turob Jo'rayev kutib oldi. Izhar Shay tashrif mobaynida Buxoro davlat universitetida ham mehmon bo`ldi.Suhbat avvalida sobiq vazir Buxoro davlat universitetining faoliyati, talabalar soni, xorijlik va boshqa viloyat vakillari bor-yo'qligi, shartnoma miqdori kabi masalalar bilan qiziqdi. Buxoro davlat universiteti rektori Obidjon Xamidov boshchiligida faollar yig'ingohida seminar tashkil etildi. “Isroilning innovatsiyalar sohasidagi tajribasi” mavzusiga bag'ishlangan seminarda Izhar Shay Isroildagi innovatsion faoliyatning asosiy xususiyatlari bilan tanishtirdi. Tadbirda Buxoro viloyatidagi Oliy ta’lim muassasalari vakillari, Buxoro viloyati hokimligi ilm-fan va innovatsiyalar sho'basi xodimlari ishtirok etdi. 300 dan ortiq ishtirokchi barobarida Zoom platformasi orqali turli viloyatlar hamda Toshkent shahridagi innovatsion markazlari xodimlari ham kuzatishdi. Innovatsiyalar, iqtisodiyot xususida borgan samimiy suhbat savol-javoblarga boy tarzda o'tdi.Tadbirdan so'ng Izhar Shay Buxoro davlat universitetining biznes-akseleratori faoliyati bilan tanishdi. O'rganuvchilar hamda Yosh dasturchilar bilan Ingliz tilida suhbatlashdi.Tashrif mobaynida Isroil bilan ilmiy-innovatsion sohadagi hamkorlik masalalari muhokama qilindi.BuxDU Matbuot xizmati
