Buxoro davlat universitetiga Malayziya menejment va fan universiteti prezidenti Tan Sri Dato Wira Dr Mohd Shukri Ab Yajid, prorektor Puan Sri Datuk Dr Junainah Abd Hamid, vitse-prezident Dato Sh Huda Engku Muda, vitse-prezident Ali Khatibi, professor Indang Ariati, “Angkasa” qo’shma korxonasi vakili Abu Ahmad Hasan va Said Aslanovlardan iborat delegatsiya tashrif buyurdi.Tashrif doirasida BuxDU Islohotlar xalq uchun markazida hamkorlik uchrashuvi tashkil etildi. Uchrashuvni BuxDU rektori Obidjon Xamidov ochib berdi. Unda Malayziya va O’zbekiston o’rtasidagi iliq hamkorlik aloqalari, BuxDU va Malayziya OTMlari bilan imzolangan shartnomalar, olib borilgan ishlar va kelajakda amalga oshirilishi mumkin bo’lgan ishlar haqida so`z bordi. Shuningdek, uchrashuv davomida ikki universitet o'rtasidagi hamkorlik shartnomasi imzolandi.Mehmonlar Universitetning San’atshunoslik fakulteti talabalari tomonidan ijro etilgan milliy musiqa namunalari bilan tanishishdi va iliq fikrlar bildirildi.Tashrif davomida Universitet huzurida tashkil etilgan qo’shma ta’lim dasturlari, KOICA markazi, Yapon markazlari delegatsiya a’zolariga namoyish etildi.BuxDU Xalqaro hamkorlik bo'limi
