O`zbekiston Respublikasi Prezidentining o`z lavozimiga kirishishiga bag`ishlangan tantanali marosimda kelgusi besh yillikdagi ustuvor yo`nalishlar haqida so`z bordi. Xalqimiz talablarini inobatga olgan holda ishlab chiqilgan muhim konseptual hujjat – Yangi O`zbekiston taraqqiyot strategiyasida “Harakatlar strategiyasidan – Taraqqiyot strategiyasi sari” degan tamoyil asosiy g`oya sifatida kun tartibiga qo`yildi. Mana shu bosh mezonning amaliy e’tirofi sifatida bugun Buxoro davlat universiteti huzuridagi “Islohotlar xalq uchun” targ’ibot markazida “Harakatlar strategiyasidan – Taraqqiyot strategiyasi sari” mavzusida ma’naviy-ma’rifiy uchrashuv bo`lib o`tdi.Unda BuxDU rahbariyati, O’zbekiston Respublikasi Oliy Majlis Senati a’zosi Abera Huseynova, O‘zbekiston Qahramoni Muhammedjon Axmedovlar ishtirok etishdi.Tadbirni BuxDU rektori Iqtisodiyot fanlari doktori, professor Obidjon Xamidov “Yangi O‘zbekiston taraqqiyotining muhim strategik yo‘nalishlari” mavzusidagi ma’ruzasi bilan boshlab berdi.Shundan so`ng, O’zbekiston Respublikasi Oliy Majlis Senati a’zosi A.A.Huseynovaning “O‘zbekistonimiz taraqqiyoti va xalqimiz faravonligi o‘z qo‘limizda”, O‘zbekiston Qahramoni M.Axmedovning “Yangi O‘zbekiston – yangi imkoniyatlar davri”, Buxoro davlat universiteti “Milliy g’oya, ma’yaviyat asoslari” kafedrasi dotsenti, siyosatshunos S.S.Raupovning “Davlat va jamiyat boshqaruvini yanada takomillashtirish muhim strategik vazifa!”, Buxoro davlat universiteti Agronomiya va biotexnologiya fakulteti dekani, biologiya fanlari doktori H.T.Ortiqovaning “Qishloq xo‘jaligi mamlakat iqtisodiyotining yetakchi tarmog‘i” hamda Buxoro davlat universiteti “Psixologiya” kafedrasi dotsenti, psixologiya fanlari nomzodi U.S.Jumayevning “Yangi O‘zbekiston strategiyasida inson omili” kabi ma’ruzalari tinglandi.Har bir ma’ruza ustuvor yetti yo`nalishning mohiyatini ochib berishga, Yangi O`zbekistonda olib borilayotgan shiddatli islohotlarning natijasi hamda xalq hayotidagi o`rniga qaratilgan.BuxDU Matbuot xizmati
